Indians In Gulf: ఇరాన్ డ్రోన్ దాడుల్లో ముగ్గురు భారతీయుల దుర్మరణం

పశ్చిమాసియాలో రగులుతున్న యుద్ధ జ్వాలలు అమాయక భారతీయుల ప్రాణాలను (Indians In Gulf) బలితీసుకుంటున్నాయి. ఇరాన్, ఇజ్రాయెల్-అమెరికా దేశాల మధ్య కొనసాగుతున్న భౌగోళిక ఉద్రిక్తతలు, ప్రతీకార దాడుల తీవ్రత తాజాగా భారతీయ కుటుంబాల్లో తీవ్ర విషాదాన్ని నింపింది. ఇరాన్ సైన్యం జరిపిన వేర్వేరు డ్రోన్ దాడుల్లో ముగ్గురు భారతీయులు దుర్మరణం పాలు కావడం గల్ఫ్ దేశాల్లో నివసిస్తున్న ప్రవాసుల్లో తీవ్ర ఆందోళన రేకెత్తిస్తోంది. ఉపాధి కోసం వలస వెళ్లిన వారు ఇలా దాడులకు బలవ్వడం తీవ్ర కలకలం సృష్టిస్తోంది.

ఇరాక్ సముద్ర జలాల్లో ప్రయాణిస్తున్న ఒక వాణిజ్య ఆయిల్ ట్యాంకర్‌పై ఇరాన్ జరిపిన అండర్ వాటర్ డ్రోన్ దాడి అత్యంత దారుణంగా పరిణమించింది. ఎవరూ ఊహించని విధంగా నీటి అడుగుభాగం నుంచి వచ్చిన డ్రోన్ ఢీకొట్టడంతో ట్యాంకర్‌లో భారీ పేలుడు సంభవించి, క్షణాల్లోనే భయంకరమైన మంటలు ఎగసిపడ్డాయి. ఈ దుర్ఘటనలో ముంబైకి చెందిన 50 ఏళ్ల మరైన్ ఇంజనీర్ (Indians In Gulf) దేవానందన్ ప్రసాద్ సింగ్ తీవ్ర గాయాలపాలై ప్రాణాలు కోల్పోయారు. ప్రాణాపాయ స్థితిలో, మంటల మధ్య చిక్కుకున్న ట్యాంకర్ నుంచి సముద్రంలోకి దూకేసి మరో 15 మంది భారతీయ నావికులు తృటిలో తమ ప్రాణాలను కాపాడుకోగలిగారు. సముద్ర జలాల్లో వాణిజ్య నౌకలపై జరుగుతున్న ఇటువంటి ముందస్తు హెచ్చరికల్లేని దాడులు నావికా సిబ్బంది భద్రతను తీవ్రంగా ప్రశ్నిస్తున్నాయి.