DSP: హరీష్ ను అన్ఫాలో చేసిన డీఎస్పీ
- Published By: Sravani
- April 1, 2026 / 06:08 AM IST
టాలీవుడ్లో విజయవంతమైన కాంబినేషన్లలో డైరెక్టర్ హరీష్ శంకర్(harish sankar) మరియు మ్యూజిక్ డైరెక్టర్ దేవి శ్రీ ప్రసాద్(Devi sri prasad) జోడీకి ప్రత్యేక స్థానం ఉంది. గబ్బర్ సింగ్(gabbar singh), దువ్వాడ జగన్నాథమ్(Duvvada Jagannadham) లాంటి భారీ విజయాలతో ఈ ఇద్దరూ పరిశ్రమలో హిట్ ఫార్ములాగా నిలిచారు. అయితే, తాజాగా వీరిద్దరి మధ్య విభేదాలు నెలకొన్నాయనే సంకేతాలు బయటకు వస్తున్నాయి. ముఖ్యంగా సోషల్ మీడియాలో జరిగిన ఒక పరిణామం ఈ వార్తలకు మరింత బలం చేకూర్చింది.
తాజా సమాచారం ప్రకారం, దేవి శ్రీ ప్రసాద్ తన సోషల్ మీడియా ప్లాట్ఫామ్ ఎక్స్ లో హరీష్ శంకర్ను అన్ఫాలో చేసినట్లు తెలిసింది. ఆసక్తికరంగా, ఈ చర్య హరీష్ శంకర్ పుట్టినరోజు రోజునే జరిగినట్లు టాక్ వినిపిస్తోంది. దీంతో వీరిద్దరి మధ్య ఉన్న అనుబంధంలో చీలిక వచ్చిందా అన్న అనుమానాలు వ్యక్తమవుతున్నాయి. సాధారణంగా ఒకరిని ఒకరు ప్రశంసించుకునే ఈ జోడీ, ఇప్పుడు ఇలా దూరమవుతున్నారనే భావన అభిమానుల్లో చర్చనీయాంశమైంది.
