సోనియా గాంధీ ఆత్మకథ ఇక పుస్తకం రూపంలో…
- Published By: Tech Team
- August 19, 2026 / 01:40 PM IST
కాంగ్రెస్ అగ్రనేత సోనియా గాంధీకి సంబంధించిన ఓ పుస్తకం పాఠకుల ముందుకు రానుంది. ఇది తన ఆత్మకథ రూపంలో వుండనుంది. ‘బిలాంగింగ్: ఏ జర్నీ ఆఫ్ లవ్’ పేరుతో ఈ పుస్తకం నవంబర్ 10న విడుదల కానున్నట్టు అంతర్జాతీయ ప్రచురణ సంస్థ ఆల్ర్ఫెడ్ ఏ.నాఫ్ ప్రకటించింది. చదువుకునే రోజుల్లో రాజీవ్తో ప్రేమాణం, పెళ్లి, భారత్కు రావడం, ఇలా తన జీవితానికి సంబంధించి ఎన్నో విశేషాలను ఈ పుస్తకం రూపంలో సోనియా పంచుకోబోతున్నారు. రాజీవ్తో ప్రేమ, పెళ్లి, భారత్కు రావడం వంటి విశేషాలను ఈ పుస్తకంలో పొందుపరిచారు. 1984లో తన అత్త, ప్రధాని ఇందిర హత్య.. ఆ తర్వాత ఏడేళ్లకే (1991లో) తన భర్త రాజీవ్గాంధీ హత్య తదితర తీవ్ర విషాదాలు తన జీవితాన్ని ఎలా మార్చాయో సోనియా వివరించారు.
అలాగే.. ఈ పుస్తకంలో ఇటలీలో ఆమె బాల్యం నుండి నెహ్రూ-గాంధీ కుటుంబంలోకి వివాహం ద్వారా ప్రవేశించడం, ఆమె జీవితాన్ని తీర్చిదిద్దిన వ్యక్తిగత విషాదాలు మరియు చివరకు భారతీయ రాజకీయాల్లోకి ఆమె అడుగుపెట్టడం వరకు సాగిన గాంధీ ప్రయాణాన్ని వివరించారు.నా కుటుంబం గురించి చాలానే రాశారు, కానీ వారి ప్రేరణలు, చర్యలు మరియు వారిలోని సహజమైన మానవ బలహీనతలకు సంబంధించిన వాస్తవాలను ఆవిష్కరించిన రచనలు మాత్రం చాలా తక్కువ,” అని ప్రచురణకర్త విడుదల చేసిన ఒక ప్రకటనలో గాంధీ పేర్కొన్నారు.
ఈ జ్ఞాపకాల పుస్తకాన్ని తన కుటుంబంలోని మానవీయతకు ఒక నివాళిగా అభివర్ణించిన గాంధీ, గత ఆరు దశాబ్దాలుగా భారతదేశంలో తాను చూసిన సామాజిక, రాజకీయ మార్పులపై తన దృక్పథాన్ని కూడా ఇది తెలియజేస్తుందని పేర్కొన్నారు.అనేక విధాలుగా, ఈ పుస్తకం వారి మానవత్వానికి ఒక నివాళి. అలాగే, నేను సొంత దేశంగా భావించే ఆ అందమైన దేశంలో ఆరు దశాబ్దాలుగా నేను చూసిన సామాజిక, రాజకీయ మార్పుల గురించి ఒక ప్రత్యేకమైన దృక్పథాన్ని కూడా నా కథ పాఠకులకు అందిస్తుంది,” అని సోనియా పేర్కొన్నారు.
