Airport: హైదరాబాద్ ఎయిర్పోర్ట్ అదుర్స్.. . ఫిదా అయిపోయిన పాకిస్థానీ
- Published By: Vishal
- March 21, 2026 / 05:05 PM IST
Airport: హైదరాబాద్లోని రాజీవ్ గాంధీ అంతర్జాతీయ విమానాశ్రయం (RGIA) ప్రపంచ స్థాయి ప్రమాణాలకు నిలువుటద్దమని మరోసారి నిరూపితమైంది. తాజాగా ఒక పాకిస్థానీ పౌరుడు హైదరాబాద్ ఎయిర్పోర్ట్ అభివృద్ధిని, అక్కడ ఉన్న అత్యాధునిక సౌకర్యాలను కొనియాడుతూ చేసిన వీడియో ఇప్పుడు సోషల్ మీడియాలో విపరీతంగా వైరల్ అవుతోంది.
వివరాల్లోకి వెళితే:
బ్యాంకాక్ నుండి తన కనెక్టింగ్ ఫ్లైట్ కోసం హైదరాబాద్ విమానాశ్రయంలో దిగిన సదరు పాక్ పౌరుడు, ఇక్కడి వాతావరణాన్ని చూసి ఆశ్చర్యం వ్యక్తం చేశారు. విమానాశ్రయంలోని మల్టీ-బ్రాండ్ షాపులు, విశాలమైన టెర్మినల్స్ , ప్రయాణికులకు అందుబాటులో ఉన్న సౌకర్యాలను ఆయన తన వీడియోలో వివరించారు.
అంతర్జాతీయ విమానాశ్రయాలతో పోలిక:
“నేను దుబాయ్, కౌలాలంపూర్, బ్యాంకాక్ వంటి పెద్ద పెద్ద అంతర్జాతీయ విమానాశ్రయాలను చూశాను. కానీ హైదరాబాద్ ఎయిర్పోర్ట్ వాటికి ఏమాత్రం తీసిపోదు. ఇక్కడ ప్రతిదీ ఎంతో క్రమశిక్షణతో, అత్యాధునికంగా ఉంది” అని ఆయన ప్రశంసించారు. ఒక విదేశీయుడు, ముఖ్యంగా పొరుగు దేశ పౌరుడు మన నగరం గురించి ఇలా సానుకూలంగా స్పందించడం నెటిజన్లను విశేషంగా ఆకట్టుకుంటోంది.
