Rana Daggubati: ఆ సినిమాల‌కు ఆద‌ర‌ణ ఎక్కువ‌

రానా ద‌గ్గుబాటి(Rana Daggubati) తెలుగు సినీ పరిశ్రమలో నటుడిగానే కాదు, నిర్మాతగా కూడా ప్రత్యేకమైన గుర్తింపు సంపాదించుకున్నాడు. ప్రముఖ నిర్మాత రామానాయ‌డు(Rama naidu) మనవడిగా ఇండస్ట్రీలోకి అడుగుపెట్టిన రానా తక్కువ టైమ్ లోనే తనకంటూ ప్రత్యేకమైన గుర్తింపును ఏర్పరుచుకున్నాడు. బాహుబ‌లి(Baahubali) సినిమాల‌తో పాన్ ఇండియా స్థాయిలో గుర్తింపు తెచ్చుకున్న రానా ఓ వైపు హీరోగా సినిమాలు చేస్తూనే, మరోవైపు ఇతర హీరోల చిత్రాల్లో కీలక పాత్రలు, విలన్ పాత్రల్లో కనిపిస్తూ తన యాక్టింగ్ తో ప్రేక్షకులను ఆకట్టుకుంటున్నాడు.

నటుడిగా మాత్రమే కాకుండా నిర్మాతగా కూడా రానా మంచి కంటెంట్ ఉన్న సినిమాలను ప్రేక్షకుల ముందుకు తీసుకురావడంలో ముందుంటున్నాడు. ఇప్పటికే ఆయన నిర్మాణంలో వచ్చిన కొన్ని సినిమాలు విమర్శకుల ప్రశంసలు అందుకున్నాయి. తాజాగా మాట్లాడిన రానా, భారతదేశంలో ఫ్యామిలీ ఓరియెంటెడ్ సినిమాలకు ఎప్పుడూ ప్రత్యేకమైన ఆదరణ ఉంటుందని పేర్కొన్నారు. ముఖ్యంగా సంక్రాంతి సమయంలో ఎన్ని ఫ్యామిలీ డ్రామాలు విడుదలైనా ప్రేక్షకులు వాటిని ఆదరిస్తారని ఆయన అభిప్రాయం వ్యక్తం చేశారు. అందుకే మంచి కథలను వెతికి, ప్రేక్షకుల ముందుకు తీసుకురావడమే తన లక్ష్యమని చెప్పారు.

అలాగే కొత్త కథలు, ప్రయోగాత్మక సినిమాలు రావాలంటే చాలా మంది కలిసి పనిచేయాల్సిన అవసరం ఉందని రానా అన్నారు. ప్రేక్షకులు కూడా ఇప్పుడు కొత్త కంటెంట్‌ను కోరుకుంటున్నారని ఆయన అభిప్రాయపడ్డారు. టెక్నాలజీపై తనకు ప్రత్యేకమైన ఆసక్తి ఉందని, అందుకే నటుడిగా బిజీగా ఉన్నప్పటికీ ఆ రంగంలో కూడా నిరంతరం నేర్చుకుంటూనే ఉన్నానని చెప్పారు. మనకు ఏదైనా విషయంలో ఆసక్తి ఉంటే వెనక్కి తగ్గకూడదని, రిస్క్ తీసుకున్నప్పుడే మంచి ఫలితం వస్తుందని రానా అన్నారు.