ముఖేష్ అంబానీకి షాక్.. ఆసియా కుబేరుల జాబితాలో అతన్ని దాటేసిన ‘టిక్‌టాక్’ బాస్!

ఆసియా ఖండంలోని కుబేరుల జాబితాలో ఊహించని సంచలనం చోటుచేసుకుంది. ఎప్పుడూ మొదటి రెండు స్థానాల్లో మన దేశానికే చెందిన ముఖేష్ అంబానీ (Mukesh Ambani), గౌతమ్ అదానీలు ఆధిపత్యం చెలాయించేవారు. కానీ ఇప్పుడు ఆ లెక్కలు పూర్తిగా మారిపోయాయి. భారతీయ వ్యాపార దిగ్గజం, రిలయన్స్ ఇండస్ట్రీస్ అధినేత ముఖేష్ అంబానీని వెనక్కి నెట్టి.. షార్ట్ వీడియో సెన్సేషన్ ‘టిక్‌టాక్’ (TikTok) మాతృసంస్థ అయిన ‘బైట్‌డాన్స్’ సహ-వ్యవస్థాపకుడు జాంగ్ యిమింగ్ (Zhang Yiming) ఆసియాలోనే రెండో అత్యంత సంపన్నుడిగా అవతరించారు.

ఒక్కసారిగా ఎగబాకిన సంపద!
ప్రముఖ ఆర్థిక విశ్లేషణ సంస్థ బ్లూమ్‌బెర్గ్ బిలియనీర్స్ ఇండెక్స్ విడుదల చేసిన తాజా గణాంకాల ప్రకారం.. జాంగ్ నికర సంపద ఒక్కసారిగా 92.8 బిలియన్ డాలర్లకు చేరుకుంది. దీంతో 86.9 బిలియన్ డాలర్ల సంపద కలిగిన ముఖేష్ అంబానీని (Mukesh Ambani) ఆయన మూడో స్థానానికి పడేశారు. కాగా ఏకంగా 117.4 బిలియన్ డాలర్ల అపారమైన సంపదతో అదానీ గ్రూప్ చైర్మన్ గౌతమ్ అదానీ ఆసియాలోనే అత్యంత ధనవంతుడిగా అగ్రస్థానంలో (నంబర్ 1) చెక్కుచెదరకుండా కొనసాగుతున్నారు.

ఏడేళ్లలో ఏడు రెట్ల మ్యాజిక్..
జాంగ్ యిమింగ్ సంపద వృద్ధి రేటు చూస్తే ఆర్థిక నిపుణులకు సైతం మైండ్ బ్లాంక్ అవుతోంది. సరిగ్గా 2019లో ఆయన వ్యక్తిగత సంపద కేవలం 13 బిలియన్ డాలర్లు మాత్రమే. కానీ గడిచిన ఏడేళ్ల వ్యవధిలోనే ఆయన ఆస్తి ఏకంగా ఏడు రెట్లకు పైగా పెరిగిపోవడం కార్పొరేట్ ప్రపంచంలో ఒక అద్భుతం.

అమెరికా డీల్.. ఏఐ సక్సెస్!
ఈ చైనీస్ టెక్ దిగ్గజం ఇంతటి ఘన విజయం సాధించడానికి, సంపద ఈ స్థాయిలో పెరగడానికి, ఆయన అంబానీని (Mukesh Ambani) దాటేయగలిగారు. దీనికి ప్రధానంగా మూడు వ్యూహాత్మక కారణాలున్నాయి:

డౌబావో ఏఐ (Doubao AI) సంచలనం: కేవలం టిక్‌టాక్ గ్లోబల్ క్రేజ్ మాత్రమే కాకుండా, కంపెనీ ఇటీవల మార్కెట్లోకి తెచ్చిన ‘డౌబావో ఏఐ’ చాట్‌బాట్ సూపర్ హిట్టయింది. నెలకు 300 మిలియన్లకు పైగా యాక్టివ్ యూజర్లతో ఇది సృష్టించిన సంచలనం బైట్‌డాన్స్‌కు కాసుల వర్షం కురిపించింది.

అమెరికా వివాదానికి చెక్: కొన్నాళ్లుగా అమెరికాలో టిక్‌టాక్ బ్యాన్ అవుతుందనే అనిశ్చితి తీవ్రంగా ఉండేది. అయితే ఆ వివాదానికి పక్కా స్కెచ్‌తో చెక్ పెడుతూ.. అమెరికాలో తమ వ్యాపార కార్యకలాపాలను దిగ్గజ ఐటీ సంస్థ ‘ఒరాకిల్’ (Oracle) నేతృత్వంలోని కన్సార్షియంకు బైట్‌డాన్స్ తెలివిగా బదిలీ చేసింది.

పెట్టుబడుల వెల్లువ: ఒరాకిల్ డీల్‌తో అంతర్జాతీయంగా కంపెనీపై ఉన్న బ్యాన్ ముప్పు తొలగిపోయి భారీ ఊరట లభించింది. ఈ సానుకూల పరిణామాలతో బ్లాక్‌రాక్, ఫిడిలిటీ వంటి గ్లోబల్ ఇన్వెస్ట్‌మెంట్ సంస్థలు బైట్‌డాన్స్ వాల్యుయేషన్‌ను భారీగా అంచనా వేశాయి.

దీంతో రాత్రికి రాత్రే జాంగ్ యిమింగ్ వ్యక్తిగత సంపదకు ఒకేసారి 24 బిలియన్ డాలర్లు అదనంగా వచ్చి చేరాయి. టెక్నాలజీ ట్రెండ్‌ను పసిగట్టడం, వివాదాలను చాకచక్యంగా పరిష్కరించుకోవడం వల్లే ఈ టిక్‌టాక్ బాస్.. ఇప్పుడు ఆసియాలో అంబానీనే (Mukesh Ambani) దాటేసే స్థాయికి చేరుకున్నాడని మార్కెట్ వర్గాలు విశ్లేషిస్తున్నాయి.