ప్రహ్లాద్ జోషినే ప్రధాని మోదీ ఎందుకు ఎంచుకున్నారో తెలుసా?

ధర్మేంద్ర ప్రధాన్ రాజీనామా చేయడంతో విద్యాశాఖ నూతన మంత్రిగా ప్రహ్లాద్ జోషి అదనపు బాధ్యతలు స్వీకరించారు. అత్యంత క్లిష్టమైన పరిస్థితుల్లో ప్రహ్లాద్ జోషిని మోదీ రంగంలోకి దింపారు. ప్రహ్లాద్ జోషిపై ప్రధాని మోదీకి అపారమైన నమ్మకం. ప్రస్తుతం కేంద్ర వినియోగదారుల వ్యవహారాలు, ఆహార, ప్రజా పంపిణీ, అలాగే నూతన మరియు పునరుత్పాదక ఇంధన శాఖల మంత్రిగా వున్నారు. విద్యాశాఖ అదనపు బాధ్యత.

తీవ్ర ఘర్షణలు ఉండే ఈ మంత్రిత్వ శాఖకు అనుభవజ్ఞులైన, స్థిరమైన నాయకత్వాన్ని తీసుకురావాలన్న ప్రభుత్వ ఉద్దేశాన్ని స్పష్టం చేస్తుంది. అందుకే ప్రహ్లాద్ జోషిని ఎంచుకున్నారన్నది ఓ కారణం.

పార్లమెంటు వర్షాకాల సమావేశాలు జరుగుతున్న తరుణంలో, పరిస్థితులను చక్కదిద్దే వ్యూహాత్మక చర్యగా ప్రహ్లాద్ జోషి నియామకం విస్తృతంగా పరిగణించబడుతోంది. 2019 నుండి 2024 వరకు కేంద్ర పార్లమెంటరీ వ్యవహారాల శాఖ మంత్రిగా పనిచేసిన అనుభవం ఉన్న జోషికి, ఏకాభిప్రాయ సాధన, సభ నిర్వహణ (ఫ్లోర్ మేనేజ్‌మెంట్) మరియు క్లిష్టమైన చర్చలను సమర్థవంతంగా నడిపించడంలో అపారమైన నైపుణ్యం ఉంది.

అలాగే పార్లమెంటరీ విధానంపై ఆయనకున్న లోతైన అవగాహన, ఉభయ సభలలో ప్రతిపక్షాల విమర్శలను సమర్థవంతంగా తిప్పికొట్టే దానిలో సామర్థ్యంతో వుంటారు.

అలాగే పరిపాలనను ఓ క్రమశిక్షణా పద్ధతిలో చేస్తారని పేరుంది. మీడియాకి దూరంగా, అత్యంత నిశ్శబ్దంగా ప్రభుత్వంలో పనిచేసుకు పోతుంటారు. సమర్థవంతమైన మంత్రిగా పేరు కూడా వుంది.

విశ్వసనీయమైన అనుభవజ్ఞుడికి అదనపు బాధ్యతలు అప్పగించడం అనేది ఒక స్పష్టమైన పాలనా వ్యూహాన్ని ప్రతిబింబిస్తుంది: త్వరితగతిన రాజకీయ పరిష్కారాల కన్నా, పరిపాలనా కొనసాగింపునకు, పటిష్టమైన సంక్షోభ నిర్వహణకు ప్రాధాన్యత ఇవ్వడం. ప్రహ్లాద్ జోషి బాధ్యతలు స్వీకరిస్తున్న తరుణంలో, శాస్త్రి భవన్ ఎంత వేగంగా స్థిరత్వాన్ని పునరుద్ధరిస్తుంది, జవాబుదారీతనాన్ని అమలు చేస్తుందన్న నమ్మకం ఆయనపై ప్రధాని మోదీకి వుంది.