Spain: అమెరికాకు స్పెయిన్ భారీ షాక్.. ఇరాన్ యుద్ధ విమానాలకు గగనతలం మూసివేత!
- Published By: Phanindra
- April 1, 2026 / 07:17 AM IST
పశ్చిమాసియాలో ఇరాన్పై అమెరికా సాగిస్తున్న యుద్ధానికి యూరప్ నుంచి ఊహించని ఎదురుదెబ్బ తగిలింది. పశ్చిమాసియా ఆపరేషన్లలో పాల్గొనే అమెరికా సైనిక విమానాలకు తమ గగనతలాన్ని (Airspace) పూర్తిగా మూసివేస్తున్నట్లు స్పెయిన్ (Spain) సంచలన ప్రకటన చేసింది. ఇరాన్తో జరుగుతున్న ఈ ఘర్షణల్లో పాలుపంచుకునే ఏ ఒక్క అమెరికా యుద్ధ విమానాన్ని తమ గగనతలం గుండా అనుమతించే ప్రసక్తే లేదని స్పెయిన్ రక్షణ మంత్రి మార్గరెటా రొబెల్స్ (Margarita Robles) అధికారికంగా వెల్లడించారు.
సైనిక స్థావరాలకు నో ఎంట్రీ
వ్యూహాత్మకంగా అమెరికాకు ఇది తీవ్ర నష్టాన్ని కలిగించే అంశం. సాధారణంగా యూరప్ మీదుగా మధ్యప్రాచ్యానికి వెళ్లేందుకు అమెరికాకు స్పెయిన్ (Spain) ఎంతో కీలకం. అయితే రెండు దేశాలు దశాబ్దాలుగా సంయుక్తంగా నిర్వహిస్తున్న ప్రతిష్టాత్మక సైనిక స్థావరాలను (Joint Military Bases) సైతం తాజా పశ్చిమాసియా ఆపరేషన్ల కోసం వినియోగించడాన్ని స్పెయిన్ ఇప్పటికే నిరాకరించింది. ఇరాన్పై దాడులు చేయడానికి, ఆయుధాలు సరఫరా చేయడానికి స్పెయిన్ గడ్డను లేదా ఆకాశాన్ని వాడుకోవడానికి వీల్లేదని తేల్చిచెప్పింది. దీంతో అమెరికా బలగాలు ప్రత్యామ్నాయ, సుదీర్ఘ మార్గాలను వెతుక్కోవాల్సిన అనివార్య పరిస్థితి ఏర్పడింది.
ఇవి కూడా చదవండి
