బడ్జెట్ కోతలతో కష్టాల్లో ‘కమ్యూనిటీ హెల్త్ వర్కర్ల’ ఉపాధి

Health Workers : పేదలు , అనారోగ్యంతో బాధపడేవారికి వెన్నంటి ఉండి సేవలు అందించే ‘కమ్యూనిటీ హెల్త్ వర్కర్ల’ ఉపాధి ప్రస్తుతం బడ్జెట్ కోతల వల్ల కష్టాల్లో పడింది. లక్షలాది మందికి ఆరోగ్య సేవలను చేరువ చేస్తున్న ఈ వర్కర్ల సంఖ్య తగ్గడం వల్ల సామాన్యుల ఆరోగ్యానికి ముప్పు వాటిల్లే అవకాశం ఉందని నిపుణులు హెచ్చరిస్తున్నారు.

సగం నిధులు తగ్గే అవకాశం..
2025లో ప్రభుత్వం ఆరోగ్య రంగంపై నిధులను భారీగా తగ్గించింది. దీనివల్ల కాలిఫోర్నియాలోని ఫ్రెండ్సో ప్రాంతంలో హెల్త్ వర్కర్ల సంఖ్య 60 నుండి 25కి పడిపోయింది. 2026 నాటికి స్థానిక ఆరోగ్య సంస్థలకు దాదాపు సగం నిధులు తగ్గే అవకాశం ఉందని నిపుణులు ఆందోళన వ్యక్తం చేస్తున్నారు.

సమస్యలను పరిష్కరించే వారిగా..
వీరు కేవలం వైద్య సేవలే కాకుండా, పేదలకు అనువాదకులుగా, గైడ్లుగా , సమస్యలను పరిష్కరించే వారిగా వ్యవహరిస్తారు. అధ్యయనాల ప్రకారం, ప్రభుత్వం వీరి కోసం ఖర్చు చేసే ప్రతి డాలర్‌కు తిరిగి 2.47 డాలర్ల ప్రయోజనం ప్రజారోగ్య వ్యవస్థకు చేరుతోంది. వీరు రోగుల రక్తపోటు, చక్కెర స్థాయిలను నియంత్రించడంలో కీలక పాత్ర పోషిస్తున్నారు.

ప్రభుత్వంపై మరింత ఆర్థిక భారం..
ఈ హెల్త్ వర్కర్లు లేకపోతే రోగులు సరైన సమయంలో చెకప్‌లు చేయించుకోక, అనారోగ్యం తీవ్రమై అత్యవసర విభాగాలకు (Emergency Rooms) వెళ్లాల్సి వస్తుంది. దీనివల్ల ప్రభుత్వంపై మరింత ఆర్థిక భారం పడుతుందని, ఇప్పుడు చేసే పొదుపు భవిష్యత్తులో ఎక్కువ నష్టాన్ని మిగుల్చుతుందని విశ్లేషకులు చెబుతున్నారు.