HJ Dora: ఉమ్మడి ఏపీ మాజీ డీజీపీ హెచ్‌జే దొర ఇకలేరు

ఉమ్మడి ఆంధ్రప్రదేశ్లో డీజీపీగా పనిచేసిన 1965 బ్యాచ్ ఐపీఎస్ అధికారి హెచ్‌జే దొర (HJ Dora) (83) కన్నుమూశారు. శ్రీకాకుళం జిల్లా కోటబొమ్మాళి మండలానికి చెందిన ఆయన కొద్దికాలంగా బీపీ, బ్రాంకియల్ ఆస్థమా, కిడ్నీ వ్యాధులతో బాధపడుతున్నారు. రెండేళ్లుగా హైదరాబాద్లోని నిమ్స్లో డయాలసిస్ చేయించుకుంటున్నారు. శుక్రవారం ఉదయం కూడా ఆయన నిమ్స్కు వచ్చి డయాలసిస్ చేయించుకొని ఇంటికి వెళ్లారు. కానీ, ఆ కొద్ది సేపటికే అపస్మారక స్థితిలోకి వెళ్లడంతో, కుటుంబసభ్యులు వెంటనే నిమ్స్కు తరలించారు. అన్ని రకాల చికిత్సలు అందించినా ఫలితం లేకపోయిందని, హెచ్జే దొర తుదిశ్వాస విడిచారని వైద్యులు వెల్లడించారు. విషయం తెలియగానే తెలంగాణ డీజీపీ శివధర్ రెడ్డి (Shivadhar Reddy), ఇంటిలిజెన్స్ చీఫ్ విజయకుమార్ (Vijaykumar), నగర పోలీసు కమిషనర్ సజ్జనార్ నిమ్స్ ఆస్పత్రికి చేరుకొని నివాళులర్పించారు.