Minister Narayana: ప్రపంచంలోనే అత్యుత్తమ అసెంబ్లీ భవనం ఏపీలో : నారాయణ

రాష్ట్ర రాజధాని అమరావతి (Amaravati) నిర్మాణాలకు కేంద్రం నుంచి రూ.15 వేలకోట్లు, హడ్కో ద్వారా మరో రూ.11 వేలకోట్లు సమకూరుస్తున్నామని ఆంధ్రప్రదేశ్ రాష్ట్ర మంత్రి నారాయణ (Narayana) వెల్లడించారు. కాకినాడ కలెక్టరేట్లో విలేకరుల సమావేశంలో నారాయణ మాట్లాడారు. అమరావతితో అసెంబ్లీ (Assembly), హైకోర్టు (High Court), ఐదు టవర్ల ఐకానిక్ భవనాలను నిర్మిస్తున్నామన్నారు. అసెంబ్లీ 250 మీటర్ల ఎత్తులో ఉంటుందని, ప్రజలు పైకి వెళ్లి నగరం మొత్తాన్ని చూడవచ్చని తెలిపారు. ఇది ప్రపంచంలోనే ఉత్తమ అసెంబ్లీల్లో ఒకటిగా నిలుస్తుందన్నారు.