ఓటీటీలోకి రానున్న వరుణ్ తేజ్ కొరియన్ కనకరాజు

మెగా ప్రిన్స్ వరుణ్ తేజ్(varun Tej) ప్రధాన పాత్రలో తెరకెక్కిన కొరియన్ కనకరాజు(Korean Kanakaraj) థియేట్రికల్ రన్ అనంతరం ఇప్పుడు ఓటీటీ బాట పట్టింది. ఆగస్టు 7న ప్రేక్షకుల ముందుకు వచ్చిన ఈ హారర్ కామెడీకి థియేటర్లలో మోస్తరు నుంచి మంచి రెస్పాన్స్ లభించింది. ముఖ్యంగా వరుణ్ తేజ్, రితికా నాయక్(Ritika Nayak), సత్య(Satya)ల యాక్టింగ్ సినిమాకు స్పెష‌ల్ ఎట్రాక్ష‌న్ గా నిలిచింది. తాజాగా ఈ సినిమాను సెప్టెంబర్ 4, 2026 నుంచి నెట్‌ఫ్లిక్స్‌లో స్ట్రీమింగ్‌కు తీసుకురానున్నట్లు సమాచారం.

థియేటర్లలో మిస్ అయిన ప్రేక్షకులు ఇప్పుడు ఇంటి నుంచే ఈ సినిమాను చూసే అవకాశం పొందనున్నారు. ఇక ఓటీటీ వెర్షన్‌లో భాషల పరంగా కూడా ఈ సినిమాకు విస్తృతమైన అందుబాటు ఉండనున్నట్లు తాజా నివేదికలు సూచిస్తున్నాయి. తెలుగు ఒరిజినల్‌తో పాటు తమిళం, కన్నడ, మలయాళం, హిందీ భాషల్లో డబ్బింగ్ వెర్షన్లు అందుబాటులోకి రానున్నట్లు సమాచారం. అయితే ఈ విషయంపై నెట్‌ఫ్లిక్స్ లేదా చిత్రబృందం నుంచి వచ్చే అఫీషియ‌ల్ అనౌన్స్‌మెంటే ఫైన‌ల్ క్లారిటీ ఇవ్వనుంది.

మేర్లపాక గాంధీ(Merlapaka gandhi) దర్శకత్వం వహించిన ఈ సినిమాను యూవీ క్రియేషన్స్(UV creations), ఫస్ట్ ఫ్రేమ్ ఎంటర్‌టైన్‌మెంట్స్(First Frame Entertainments) సంయుక్తంగా నిర్మించాయి. త‌మన్(Thaman) సంగీతం అందించగా, రితికా నాయక్ హీరోయిన్ గా నటించారు. సత్య, శ్రీనివాస అవసరాల(Srinivas Avasarala), మురళీధర్ గౌడ్(muralidhar goud) తదితరులు కీలక పాత్రల్లో కనిపించారు. థియేటర్లలో ఆడియ‌న్స్ ను పలకరించిన ఈ విభిన్నమైన హారర్ కామెడీకి ఓటీటీ ఆడియన్స్ ఎలాంటి రెస్పాన్స్ ఇస్తారనేది ఇప్పుడు ఆసక్తికరంగా మారింది. ముఖ్యంగా డిజిటల్ రిలీజ్‌తో సినిమాకు మరింత విస్తృతమైన రీచ్ లభిస్తుందా, వరుణ్ తేజ్‌కు ఇది మరింత ప్లస్ అవుతుందా అనేది చూడాలి.