టీటీఏ మెగా కన్వెన్షన్‌… ఘనంగా ఫ్యాషన్ అవార్డ్స్ ప్రదానోత్సవం!

చార్లెట్ కన్వెన్షన్ సెంటర్ వేదికగా జరుగుతున్న టీటీఏ మెగా కన్వెన్షన్ 2026లో భాగంగా, నిర్వహించిన ‘బ్యూటీ పేజెంట్’ పోటీలు ఘనంగా ముగిశాయి. ఈ ఫ్యాషన్ ఈవెంట్‌లో భాగంగా ‘టీన్ టీటీఏ’, ‘మిస్ టీటీఏ’, ‘మిసెస్ టీటీఏ’ విభాగాలలో అద్భుతమైన ప్రతిభ కనబరిచిన వారికి టీటీఏ ఫ్యాషన్ అవార్డులను ప్రదానం చేశారు.

పోటీలో గెలుపొందిన ‘టీన్ టీటీఏ – 2026’ విజేతకు నిర్వాహకులు కిరీటాన్ని ధరింపజేసి, వారిని ఘనంగా సత్కరించారు. టీటీఏ మెగా కన్వెన్షన్ వేదికపై ఈ బ్యూటీ పేజెంట్ ఘట్టం ఎంతో సందడిగా సాగింది. ప్రవాస తెలుగు సమాజంలోని యువత, మహిళలు తమ ఫ్యాషన్, ప్రతిభను చాటిచెప్పేందుకు ఈ వేదిక ఎంతో దోహదపడింది. గెలుపొందిన విజేతలకు కన్వెన్షన్ నిర్వాహకులు, అతిథులు అభినందనలు తెలిపారు.