జార్జ్ క్రిష్ లాంగ్ షెడ్యూల్‌కు శ్రీను వైట్ల ప్లాన్!

హీరో శర్వానంద్(Sharwanand), డైరెక్ట‌ర్ శ్రీను వైట్ల(Srinu Vaitla) కాంబినేషన్‌లో తెరకెక్కుతున్న కొత్త సినిమా జార్జ్ క్రిష్(George Krish) మూవీపై ఆసక్తికరమైన అప్‌డేట్‌ బయటకు వచ్చింది. ఇటీవలే షూటింగ్ ప్రారంభించిన ఈ మూవీని వీలైనంత వేగంగా పూర్తి చేసే దిశగా మేకర్స్ ప్రణాళికలు సిద్ధం చేస్తున్నట్లు తెలుస్తోంది. ఇందులో భాగంగా దాదాపు 30 రోజుల పాటు కొనసాగనున్న లాంగ్ షెడ్యూల్‌ను ప్లాన్ చేసినట్లు సమాచారం. ఈ షెడ్యూల్‌లో కీలక సన్నివేశాలతో పాటు కథకు ముఖ్యమైన టాకీ పార్ట్‌ను పూర్తి చేయనున్నారని టాక్. సినిమాను వచ్చే సంక్రాంతి కానుకగా ప్రేక్షకుల ముందుకు తీసుకురావాలనే టార్గెట్ తో షూటింగ్, పోస్ట్ ప్రొడక్షన్ పనులను సమాంతరంగా పూర్తి చేయాలని టీమ్ భావిస్తున్నట్లు తెలుస్తోంది.

ఇక ఈ సినిమాలో శర్వానంద్ సరసన భాగ్యశ్రీ బోర్సే(Bhagya Sri Borse) హీరోయిన్‌గా నటించనున్నట్లు సమాచారం. యూత్‌ఫుల్ ఎలిమెంట్స్‌తో పాటు ఫ్యామిలీ, కామెడీ, డ్రామాకు ప్రాధాన్యత ఉండేలా కథను శ్రీను వైట్ల రూపొందించినట్లు ఇండస్ట్రీలో డిస్క‌ష‌న్ జరుగుతోంది. ముఖ్యంగా హీరో పాత్ర చుట్టూ సాగే సంఘటనలు, అతని జీవితంలో చోటుచేసుకునే అనూహ్య పరిణామాలు సినిమాకు మెయిన్ ఎట్రాక్ష‌న్‌గా నిలవనున్నాయని టాక్. ఒక కీలకమైన సమయంలో హీరో తీసుకునే నిర్ణయం కథను మలుపు తిప్పే విధంగా ఉంటుందని తెలుస్తోంది.

మరోవైపు విశ్వం(Vishwam) తర్వాత శ్రీను వైట్ల తన త‌ర్వాతి సినిమాతో స్ట్రాంగ్‌ కమ్‌బ్యాక్ ఇవ్వాలని ప్రయత్నిస్తున్నారు. గోపీచంద్(Gopichand) హీరోగా రూపొందిన ఆ యాక్షన్ కామెడీ ఆశించిన స్థాయిలో స‌క్సెస్ సాధించకపోవడంతో, ఈసారి కథ, ట్రీట్‌మెంట్ విషయంలో మరింత జాగ్రత్తగా వ్యవహరిస్తున్నట్లు తెలుస్తోంది. శర్వానంద్‌తో చేస్తున్న జార్జ్ క్రిష్ తనకు మరోసారి టాలీవుడ్‌లో బిజీ డైరెక్ట‌ర్ గా నిలిచే అవకాశాన్ని ఇస్తుందని శ్రీను వైట్ల నమ్మకంగా ఉన్నారట. సంక్రాంతి టార్గెట్‌ను అందుకునేలా షూటింగ్‌ను పూర్తి చేయడమే ప్రస్తుతం టీమ్ ముందున్న మెయిన్ టార్గెట్‌గా కనిపిస్తోంది.