Spirit: స్పిరిట్ లేట్ కు కారణాలివే!
- Published By: Sravani
- April 1, 2026 / 06:05 AM IST
పాన్ ఇండియా స్టార్ ప్రభాస్(prabhas) ప్రస్తుతం వరుస ప్రాజెక్ట్లతో ఫుల్ బిజీగా ఉన్నాడు. ముఖ్యంగా సందీప్ రెడ్డి వంగా(sandeep reddy vanga) దర్శకత్వంలో తెరకెక్కుతున్న స్పిరిట్(Spirit) సినిమాపై అభిమానుల్లో భారీ అంచనాలున్నాయి. అయితే ఈ సినిమా షూటింగ్ షెడ్యూల్ మరోసారి మారింది. అసలు ప్లాన్ ప్రకారం ఈ ప్రాజెక్ట్ గతేడాదే ప్రారంభం కావాల్సి ఉండగా, ఇతర కమిట్మెంట్స్ కారణంగా 2026కి వాయిదా పడింది. ఇప్పుడు తాజా పరిస్థితుల దృష్ట్యా, రాజా సాబ్ తర్వాత కూడా ఈ సినిమా షూటింగ్ కొంత ఆలస్యమవుతుందని తెలుస్తోంది.
ఇక ప్రస్తుతం ప్రభాస్ తన పూర్తి దృష్టిని ఫౌజీ సినిమాపై పెట్టాడు. భారీ బడ్జెట్తో రూపొందుతున్న ఈ సినిమాను వీలైనంత త్వరగా పూర్తి చేసి, ఈ ఏడాదే ప్రేక్షకుల ముందుకు తీసుకురావాలని ప్లాన్ చేస్తున్నాడు. ఇదే సమయంలో, అతను నటిస్తున్న కల్కి(kalki) సీక్వెల్ కూడా ఇప్పటికే సెట్స్పైకి వెళ్లింది. ఈ ప్రాజెక్ట్లో అమితాబ్ బచ్చన్(amithab bachan), కమల్ హాసన్(kamal hassan) లాంటి దిగ్గజ నటులు ఉండటంతో, వారి డేట్స్ను దృష్టిలో పెట్టుకుని ప్రభాస్ త్వరలోనే ఆ షూట్లో చేరనున్నాడు.
