అమెరికాలో జగిత్యాల జిల్లా యువకుడు అనుమానాస్పద స్థితిలో మృతి

అమెరికాలో జగిత్యాల జిల్లా (Jagtial District) మల్యాల మండలం రామన్నపేట గ్రామానికి చెందిన వెల్మ రిషి రెడ్డి (Rishi Reddy) (21) అనే అనుమానాస్పద స్థితిలో మృతి చెందాడు. తన కుటుంబ సభ్యులతో కలిసి 25 ఏళ్ల క్రితమే అమెరికాలో స్థిరపడ్డ, రిషి రెడ్డి బీటెక్ (B.Tech) పూర్తి చేసి ఉద్యోగ ప్రయత్నాల్లో ఉన్నాడు. రెండు రోజుల క్రితం హాస్టల్ గదిలో విగతజీవిగా ఉన్నట్లు సమాచారం తెలుసుకున్న కుటుంబ సభ్యులు తీవ్ర విషాదంలో మునిగిపోయారు. మృతుడి నానమ్మ రామన్నపేట గ్రామంలో నివాసం ఉంటున్నారు. పోస్టుమార్టం అనంతరం మృతదేహాన్ని స్వగ్రామానికి తీసుకువస్తారా? లేక అమెరికా (America)లోనే అంత్యక్రియలు నిర్వహిస్తారా? అనేది తెలియాల్సి ఉంది. పండగ వేల యువకుడి మృతితో స్వగ్రామంలో విషాదఛాయలు అలుముకున్నాయి.