మద్యం కుంభకోణం కేసులో కసిరెడ్డి బెయిల్

మద్యం కుంభకోణం కేసులో ప్రధాన నిందితుడు కసిరెడ్డి రాజశేఖర్రెడ్డికి(ఏ1) హైకోర్టు (High Court) షరతులతో కూడిన బెయిల్ (Bail) మంజూరు చేసింది. ఈ మేరకు హైకోర్టు న్యాయమూర్తి జస్టిస్ వెంకట జ్యోతిర్మయి (Justice Venkata Jyothirmayi) ఉత్తర్వులు ఇచ్చారు. ట్రయల్ కోర్టు సంతృప్తిమేరకు రూ.లక్షతో రెండు పూచికత్తులు సమర్పించాలని స్పష్టం చేసింది. పాస్‌పోర్ట్ (Passport) ను ట్రయల్ కోర్టుకు స్వాధీనపరచాలని ఆదేశించింది. కోర్టు అనుమతి లేకుండా దేశం విడిచి వెళ్లడానికి వీల్లేదని తేల్చిచెప్పింది. దర్యాప్తు అధికారికి సమాచారం ఇవ్వకుండా రాష్ట్ర హద్దులు దాటి వెళ్లడానికి వీల్లేదని పేర్కొంది.