స‌క్సెస్ సీక్వెల్ లో హీరో మార్పు?

టాలీవుడ్‌లో 2018లో రిలీజై, అప్రత్యక్ష విజయాన్ని అందుకున్న యూత్‌ఫుల్ ఎంటర్టైనర్ హుషారు(Husharu) ఇప్పుడు మళ్లీ వార్తల్లోకి వచ్చింది. చిన్న సినిమాగా వచ్చి బాక్సాఫీస్ వద్ద స్లీపర్ హిట్‌గా నిలిచిన ఈ సినిమా, తన సరదా కథనం మరియు సహజమైన పాత్రలతో ప్రేక్షకులను ఆకట్టుకుంది. తేజస్ కంచెర్ల(Tejas Kancherla), తేజ్ కురపాటి(Tej kurapati), దినేష్ తేజ్(Dinesh Tej), అభినవ్ మెడిశెట్టి(Abhinav Medishetty), రాహుల్ రామకృష్ణ(Rahul Ramakrishna) వంటి నటులతో పాటు ద‌క్షా నాగర్కర్(Daksha Nagarkar), ప్రియా వడ్లమాని(Priya vadlamani), హేమల్ ఇంగ్లే(Hemal Ingle), రమ్య పసుపులేటి(Ramya Pasupuleti) కీలక పాత్రలు పోషించారు. ఈ సినిమాకు యూత్‌లో ప్రత్యేకమైన ఫాలోయింగ్ ఏర్పడింది.

ఇప్పుడీ సినిమాకు సీక్వెల్‌గా హుషారు2(husharu2) తెరకెక్కుతోందన్న వార్తలు ఇండస్ట్రీలో ఆసక్తిని రేకెత్తిస్తున్నాయి. మొదటి భాగాన్ని డైరెక్ట్ చేసిన శ్రీ హర్ష కొనుగంటి(Sree Harsha konuganti) ఈ సీక్వెల్‌కూ దర్శకత్వం వహిస్తున్నట్టు సమాచారం. అయితే ఈసారి కథలో, క్యారెక్టర్స్‌లో మార్పులు ఉండబోతున్నాయనే టాక్ వినిపిస్తోంది. ముఖ్యంగా ఈ సినిమాలో హీరోగా అశోక్ గల్లా(Ashok Galla) పేరు వినిపించడం చర్చకు దారితీసింది. అఫీషియ‌ల్ అనౌన్స్‌మెంట్ ఇంకా రాకపోయినా, ఈ కాంబినేషన్ నిజమైతే ప్రాజెక్ట్‌పై మరింత అంచనాలు పెరిగే అవకాశం ఉంది.

ఇక అశోక్ గల్లా విషయానికి వస్తే, తన తొలి సినిమా హీరోతో మంచి గుర్తింపు సంపాదించిన ఈ యువ హీరో, ఇప్పటివరకు పెద్ద హిట్ కోసం ఎదురుచూస్తున్నాడు. హుషారు2 ద్వారా ఆ బ్రేక్ సాధించాలనే టార్గెట్ తో ఉన్నాడని సినీ వర్గాలు భావిస్తున్నాయి. యూత్‌కు దగ్గరగా ఉండే ఈ కథలో అశోక్ ఎలా కనిపిస్తాడో, దర్శకుడు ఈ సీక్వెల్‌ను ఎలా మలుస్తాడో చూడాలి. మొత్తానికి హుషారు2పై ప్రారంభమైన ఈ బజ్, సినిమా రిలీజ్ వరకు కొనసాగుతుందా లేదా అన్నది ఆసక్తికరంగా మారింది.