హీరోయిన్ లేకుండా బ‌న్నీ సినిమా?

ఐకాన్ స్టార్ అల్లు అర్జున్(Allu arjun) కెరీర్‌లో మోస్ట్ ప్రిస్టీజియ‌స్ ప్రాజెక్టు గా తెరకెక్కనున్న AA23 సినిమాపై మరో ఇంట్రెస్టింగ్ డిస్క‌ష‌న్ సినీ వర్గాల్లో వినిపిస్తోంది. డైరెక్ట‌ర్ లోకేష్ కనగరాజ్(lokesh kanagaraj) ఈ సినిమాను తనదైన శైలిలో ఫుల్ లెంగ్త్ యాక్షన్ డ్రామాగా మలుస్తున్నట్లు టాక్. సాధారణంగా స్టార్ హీరో సినిమాల్లో ప్రేమకథ, హీరోయిన్ క్యారెక్ట‌ర్ కు స్పెష‌ల్ ప్లేస్ ఉండటం మామూలే. కానీ ఈ ప్రాజెక్ట్‌లో మాత్రం కథ మొత్తం హీరో చుట్టూనే తిరిగేలా స్క్రీన్‌ప్లే రూపొందిస్తున్నారనే ప్రచారం జోరుగా సాగుతోంది. దీంతో ఈ సినిమా కమర్షియల్ ఫార్మాట్‌కు భిన్నంగా ఉండే అవకాశాలపై అభిమానుల్లో ఆసక్తి పెరుగుతోంది.

గతంలో కూడా లోకేష్ కనగరాజ్ కథకు అవసరం లేని అంశాలను బలవంతంగా చేర్చకుండా సినిమాలు రూపొందించిన డైరెక్ట‌ర్ గా గుర్తింపు పొందారు. అదే ఆలోచనను AA23లో కూడా కొనసాగించే ప్రయత్నం చేస్తున్నారని సినీ వర్గాలు చెబుతున్నాయి. ఇటీవల ఈ సినిమాలో హీరోయిన్‌గా పూజా హెగ్డే(pooja hegde) పేరు పరిశీలనలో ఉందనే వార్తలు వినిపించినప్పటికీ, తాజా ప్రచారం ప్రకారం అలాంటి క్యారెక్ట‌రే లేకపోవచ్చని తెలుస్తోంది. ఈ వార్త నిజమైతే హీరోయిన్ సెలెక్ష‌న్ పై గత కొంతకాలంగా కొనసాగుతున్న ఊహాగానాలకు కూడా తెరపడే అవకాశం ఉంది.

అల్లు అర్జున్, లోకేష్ కనగరాజ్ కాంబినేషన్‌లో తొలిసారి రూపొందుతున్న ఈ ప్రాజెక్ట్‌పై దేశవ్యాప్తంగా భారీ అంచనాలు నెలకొన్నాయి. మైత్రీ మూవీ మేకర్స్(mythri movie makers) నిర్మిస్తున్న ఈ సినిమాకు అనిరుధ్ రవిచందర్(Anirudh Ravichander) మ్యూజిక్ అందించ‌నున్నాడు. అట్లీ(Atlee) దర్శకత్వంలో రూపొందుతున్న రాకా(raaka) సినిమాను పూర్తి చేసిన అనంతరం అల్లు అర్జున్ AA23 షూటింగ్‌లో పాల్గొనే అవకాశముందని సమాచారం. స్క్రీన్ ప్లే, క్యారెక్ట‌రైజేష‌న్ పరంగా చూస్తే ఈ సినిమా అల్లు అర్జున్ కెరీర్‌లోనే అత్యంత డేరింగ్ ఎక్స్‌పెరిమెంట్స్ లో ఒకటిగా నిలిచే అవకాశముందని సినీ విశ్లేషకులు భావిస్తున్నారు.