ఇది మోసమే, డాబర్‌ తేనె ఆపేయండి, కోర్టు ఏమందంటే..!

“100% Pure”, “100% Natural”, “100% Organic” అంటూ డాబర్ ఉత్పత్తులపై ఉన్న లేబుల్స్‌పై FSSAI అభ్యంతరం చెప్పింది. ఆగస్టు 3న జారీ చేసిన ఆదేశాలతో డాబర్ హనీ, గీ, వర్జిన్ కొబ్బరి నూనె, ఆర్గానిక్ హనీ సహా పలు ఉత్పత్తుల విక్రయాలను నిలిపివేయాలని ఆదేశించింది. ఈ క్లెయిమ్స్‌ను ఆబ్జెక్టివ్‌గా నిరూపించడం కష్టమని, వినియోగదారులను తప్పుదోవ పట్టించే అవకాశం ఉందని FSSAI పేర్కొంది.

అయితే డాబర్ దీనిని ఢిల్లీ హైకోర్టులో సవాల్ చేయడంతో కోర్టు తాత్కాలికంగా FSSAI ఆదేశాలపై స్టే విధించింది. షోకాజ్ నోటీసు ఇవ్వకుండా, కంపెనీ వాదన వినకుండా నేరుగా అమ్మకాలు నిలిపివేయడం సరైన ప్రక్రియ కాదని కోర్టు ప్రాథమికంగా అభిప్రాయపడింది. ఈ వివాదం ఉత్పత్తులు కల్తీవి లేదా అసురక్షితమైనవా అనే దానిపై కాదు—ప్యాకెట్‌పై “100%” అని చెప్పే హక్కు కంపెనీలకు ఎంతవరకు ఉంది? అనే కీలక ప్రశ్నపై నడుస్తోంది.