డీలిమిటేషన్ పై సీఎం రేవంత్ రెడ్డి కి అవగాహన లేదు: కిషన్ రెడ్డి

నియోజకవర్గాల పునర్విభజన విషయంలో ముఖ్యమంత్రి రేవంత్ రెడ్డి (Revanth Reddy) చేస్తున్న వ్యాఖ్యలపై కేంద్ర మంత్రి కిషన్ రెడ్డి (Kishan Reddy) తీవ్రంగా స్పందించారు. డీలిమిటేషన్ (Delimitation) ప్రక్రియపై సీఎంకు కనీస అవగాహన లేదని ఆయన విమర్శించారు. రాజకీయ లబ్ధి కోసమే ఇలాంటి ఆరోపణలు చేస్తున్నారని మండిపడ్డారు. ఈ వ్యవహారంపై అనవసరంగా ప్రజలను తప్పుదోవ పట్టించవద్దని ఆయన సూచించారు.డీలిమిటేషన్ వల్ల దక్షిణాది రాష్ట్రాల (Southern states) కు అన్యాయం జరుగుతుందన్న ప్రచారంలో నిజం లేదని స్పష్టం చేశారు. మేం కూడా దక్షిణాది రాష్ట్రంలోనే ఉన్నామని వ్యాఖ్యానించారు. 2011 జనాభా లెక్కల ఆధారంగానే ఈ పునర్విభజన ప్రక్రియ జరుగుతుందని ఆయన వివరించారు. కేంద్ర ప్రభుత్వం అన్ని ప్రాంతాల అభివృద్ధిని దృష్టిలో ఉంచుకుని నిర్ణయాలు తీసుకుంటుందని తెలిపారు. ఏ రాష్ట్ర ప్రయోజనాలకు భంగం కలగకుండా జాగ్రత్తలు తీసుకుంటామని భరోసా ఇచ్చారు.