రామ్ చరణ్ ఫ్యాన్స్‌కు షాక్.. 2027లో ఒక్క సినిమా కూడా లేదా?

రామ్ చరణ్(ram charan) ఫ్యాన్స్ ఎంతో ఆసక్తిగా ఎదురుచూస్తున్న సుకుమార్(sukumar) కాంబినేషన్ ప్రాజెక్ట్ ఆశించిన దానికంటే ఆలస్యంగా ప్రారంభమయ్యే సూచనలు కనిపిస్తున్నాయి. ఇండస్ట్రీ వర్గాల్లో వినిపిస్తున్న సమాచారం ప్రకారం ఈ సినిమా వెంటనే సెట్స్‌పైకి వెళ్లే పరిస్థితి లేకపోవచ్చని తెలుస్తోంది. ప్రస్తుతం డైరెక్ట‌ర్ సుకుమార్ కథ, స్క్రీన్‌ప్లేను మరింత బలంగా తీర్చిదిద్దడంపై పూర్తిగా దృష్టి పెట్టినట్లు టాక్. ప్రతి అంశాన్ని పక్కాగా సిద్ధం చేసిన తర్వాతే షూటింగ్ ప్రారంభించాలనే ఆలోచనతో ప్రీ ప్రొడక్షన్ ప్రక్రియను విస్తృతంగా కొనసాగిస్తున్నారని చెబుతున్నారు. దీంతో షూటింగ్ ప్రారంభం ఈ ఏడాది చివరి భాగానికి వెళ్లే అవకాశాలు ఎక్కువగా కనిపిస్తున్నాయి.

ఇది భారీ పాన్ ఇండియా స్థాయిలో రూపొందనున్న ప్రాజెక్ట్ కావడంతో షూటింగ్‌తో పాటు విజువల్ ఎఫెక్ట్స్, పోస్ట్ ప్రొడక్షన్ వ‌ర్క్స్ కు కూడా గణనీయమైన సమయం అవసరమవుతుందని సినీ వర్గాలు అంచనా వేస్తున్నాయి. ఈ కారణంగానే సినిమాను 2028లో రిలీజ్ చేసే దిశగా ప్రణాళికలు ఉండొచ్చనే ప్రచారం జోరుగా సాగుతోంది. ఒకవేళ అదే జరిగితే 2027లో రామ్ చరణ్ నుంచి కొత్త సినిమా థియేటర్లలోకి వచ్చే అవకాశం చాలా తగ్గిపోతుంది. ప్రస్తుతం ఆయన ఈ సినిమాకే పూర్తి సమయం కేటాయించే అవకాశాలు ఉండటంతో మరో ప్రాజెక్ట్‌ను మధ్యలో పూర్తి చేయడం కూడా కష్టమేనని విశ్లేషణలు వినిపిస్తున్నాయి.

అయితే ఈ ఆలస్యం అభిమానుల్లో నిరాశ కలిగించినా, సుకుమార్ పని చేసే విధానాన్ని చూసిన వారు మాత్రం దీనిని సహజంగానే భావిస్తున్నారు. కథ విషయంలో ఎలాంటి రాజీ పడకుండా, తాను ఆశించిన స్థాయి అవుట్‌పుట్ వచ్చే వరకు టైమ్ తీసుకోవడం ఆయనకు కొత్త విషయం కాదు. గత సినిమాల్లోనూ ఇదే విధానాన్ని అనుసరించి స‌క్సెస్ లు అందుకున్న ఆయన, ఈసారి కూడా మరింత భారీ విజన్‌తో సినిమాను సిద్ధం చేస్తున్నారని ఇండస్ట్రీలో చర్చ నడుస్తోంది. అఫీషియ‌ల్ అనౌన్స్‌మెంట్ వచ్చే వరకు రిలీజ్ డేట్ పై క్లారిటీ లేకపోయినా, ఈ కాంబినేషన్‌పై మాత్రం ప్రేక్షకుల్లో ఉన్న అంచనాలు ఏమాత్రం తగ్గలేదనే చెప్పాలి.