బీఆర్ఎస్‌కు గతమే.. భవిష్యత్తు లేదు : సీఎం రేవంత్ రెడ్డి

బీఆర్ఎస్ పార్టీకి గతం ఉంది, భవిష్యత్తు లేదు, ఉద్యమ సమయంలో ఎలా మాట్లాడినా ప్రజలు సహించారని ముఖ్యమంత్రి రేవంత్ రెడ్డి (Revanth Reddy) వ్యాఖ్యానించారు. అసెంబ్లీ ప్రాంగణంలో రేవంత్ రెడ్డి మాట్లాడారు. కవిత (Kavitha) కొత్త పార్టీ ఏర్పాటుపైనా స్పందించారు. కేసీఆర్ (KCR) కుటుంబమంతా ఒక్కటే అని విమర్శించారు. వాళ్లు తెచ్చిపెట్టుకున్న నటనను ప్రదర్శిస్తున్నారని ఎద్దేవా చేశారు. కేసీఆర్ పార్టీకి మనుగడ లేదని, అధికారంలో ఉన్న పదేళ్లు కూడా అలాగే మాట్లాడారని అన్నారు. కేసీఆర్ కుటుంబానికి, బీఆర్ఎస్ కు ప్రజలతో సంబంధాలు లేవన్నారు. కేసీఆర్ రాజకీయ ప్రత్యర్థి మాత్రమేనని, శత్రువు కాదని, ఆయన విశ్రాంతిలో ఉన్న ప్రజాప్రతినిధి, ఆయన చావును తానెందుకు కోరుకుంటానని అన్నారు. ఆయన ఆరోగ్యంగా ఉంటేనే తమకు మంచిదన్నారు.