Strait of Hormuz: హర్మూజ్ జలసంధి మూతపడితేనే అసలు చిక్కంతా.. ప్రపంచం తలకిందులు : ఐరాస

పశ్చిమాసియా ఘర్షణలతో హర్మూజ్ జలసంధి మూతపడితే ప్రపంచ వాణిజ్యం, అభివృద్ధిపై పెను ప్రభావమే పడుతుందని ఐక్యరాజ్య సమితి హెచ్చరించింది. దాని వల్ల ఆహార ధరలు, జీవన వ్యయాలు పెరుగుతాయని పేర్కొంది. ఈ మేరకు ఐరాస అనుబంధ సంస్థ యూఎన్ సీటీఏడీ తన నివేదికలో ఈ విషయాలను పొందుపరిచింది.

సైనిక ఘర్షణల ప్రభావాలు పశ్చిమాసియాకే పరిమితం కావని, ప్రపంచ ఇంధన మార్కెట్లు, సముద్ర రవాణా, అంతర్జాతీయ సరఫరా గొలుసులపైనా ప్రభావం వుంటుందని తెలిపింది. ఇంధనం, ఎరువుల ధరలతో పాటు రవాణా ఛార్జీలు, బీమా ప్రీమియంలు పెరిగిపోతే ఆహార ధరలు, జీవన వ్యయాలకు రెక్కలొస్తాయని, ఈ పరిణామాల వల్ల ప్రత్యేకించి పేదలు ఇబ్బందిపడతారని కూడా హెచ్చరించింది.