MATA: అమెరికాలో తెలుగువారి కోసం ‘మాటా’ (MATA) ఉచిత న్యాయ సదస్సులు!
- Published By: Vishal
- March 28, 2026 / 11:05 AM IST
MATA: అమెరికాలో నివసిస్తున్న తెలుగు కమ్యూనిటీకి చట్టపరమైన అంశాలపై అవగాహన కల్పించేందుకు మన అమెరికా తెలుగు సంఘం (MATA) నడుం బిగించింది. ప్రతీ నెలా చివరి శనివారం నాడు ప్రత్యేక ‘మ్యాంత్లీ లీగల్ సెమినార్’ (Monthly Legal Seminar) నిర్వహించనున్నట్లు సంస్థ ప్రకటించింది.
విశేషాలు:
సమయం: ప్రతి నెలా చివరి శనివారం మధ్యాహ్నం 12:00 నుండి 1:00 గంటల వరకు (EST) ఈ సెమినార్ జరుగుతుంది.
చర్చాంశాలు: ప్రధానంగా ఇమ్మిగ్రేషన్ సమస్యలు, H-1B వీసా సవాళ్లు, గ్రీన్ కార్డ్ బ్యాక్లాగ్, సిటిజన్షిప్, ఫ్యామిలీ లా, , రియల్ ఎస్టేట్ చట్టాలపై నిపుణులు అవగాహన కల్పిస్తారు.
నిపుణుల ప్యానెల్: ప్రముఖ న్యాయ నిపుణులు మధురిమ పాతూరి (Paturi Law), ప్రేమ రొద్దం (Compunnel Inc.), సంతోష్ ఆర్. సోమిరెడ్డి (Somireddy Law Group) ఈ చర్చా కార్యక్రమాల్లో పాల్గొని సందేహాలను నివృత్తి చేస్తారు.
ప్రత్యేకతలు: OPT సవాళ్లు, వీసా స్టాంపింగ్ స్లాట్ల లభ్యత వంటి ‘హాట్ టాపిక్స్’ పై ప్రత్యేకంగా ప్రశ్నోత్తరాల సమయం ఉంటుంది.
రాబోయే సెమినార్ తేదీలు:
ఏప్రిల్ 25, మే 30, జూన్ 27, జూలై 25, ఆగస్టు 29 (2026) తేదీల్లో ఈ సమావేశాలు జరగనున్నాయి.
మాటా 2వ కన్వెన్షన్: వచ్చే ఏడాది జూన్ 19 – 20, 2026 తేదీల్లో పెన్సిల్వేనియాలోని ఓక్స్ (Oaks, PA) లో గ్రేటర్ ఫిలడెల్ఫియా ఎక్స్పో సెంటర్లో ‘మాటా’ రెండో మహాసభలు జరగనున్నట్లు కూడా సంస్థ ప్రకటించింది.
అమెరికాలో ఉంటున్న తెలుగు వారు ఈ అవకాశాన్ని సద్వినియోగం చేసుకొని, తమ భవిష్యత్తుకు సంబంధించి సరైన నిర్ణయాలు తీసుకోవాలని ‘మాటా’ ప్రతినిధులు కోరారు. ఆసక్తి ఉన్నవారు జూమ్ (Zoom) ద్వారా ఈ సెమినార్లలో పాల్గొనవచ్చు.
