Daggubati Purandeswari: ప్రధాని నరేంద్ర మోదీని కలిసిన దగ్గుబాటి దంపతులు

మాజీ మంత్రి దగ్గుబాటి వెంకటేశ్వరరావు (Daggubati Venkateswara Rao), ఆయన సతీమణి, ఎంపీ పురందేశ్వరి (Purandeswari) ప్రధాని మోదీ (Narendra Modi)ని మర్యాదపూర్వకంగా కలిశారు. ఇరాన్- ఇజ్రాయెల్ యుద్ధ ప్రభావం భారత్‌పై తక్కువగా ఉండేలా తీసుకున్న చర్యలపై వారు ప్రధానితో మాట్లాడారు. ఈ సందర్భంగా దగ్గుబాటి వెంకటేశ్వరరావు తాను రాసిన ద గ్లింప్సెస్ ఆఫ్ వరల్డ్ హిస్టరీ పుస్తకాన్ని ప్రధానికి బహూకరించారు. దాన్ని పరిశీలించిన ప్రధాని ప్రపంచ చరిత్రపై ఇంత విపులంగా పుస్తకం రాయడానికి చేసిన కషిని అభినందించారు. దంపతులు ఇద్దరికీ వివిధ సందర్భాల్లో ఐరాస సాధారణ సభల్లో ప్రసంగించే అవకాశం రావడం అరుదైన గౌరవమని ప్రశంసించారు.