Chandrababu: 2028 నాటికి ప్రతి ఇంటికీ సురక్షిత తాగునీరు : సీఎం చంద్రబాబు

హర్ ఘర్ జల్ కార్యక్రమంలో భాగంగా ప్రతీ పల్లెకు, ప్రతీ ఇంటికీ సురక్షిత తాగునీరు నిరంతరాయంగా అందించే లక్ష్యంతో పనిచేస్తున్నట్టు సీఎం చంద్రబాబు (Chandrababu) స్పష్టం చేశారు. జల్ జీవన్ మిషన్ 2.0 కింద 2028 నాటికి రాష్ట్రంలోని ప్రతీ ఇంటికీ తాగునీటి కుళాయి లక్ష్యాన్ని సాకారం చేస్తామని ఆయన వెల్లడించారు. జల్ జీవన్ మిషన్ (Jal Jeevan Mission) 2.0 అమలు, నిర్వహణపై సీఎం చంద్రబాబు సమక్షంలో కేంద్ర – రాష్ట్ర ప్రభుత్వాల మధ్య ఒప్పందం కుదిరింది. ఈ ఒప్పందం కార్యక్రమంలో చంద్రబాబు క్యాంప్ కార్యాలయం నుంచి వర్చువల్ గా పాల్గొన్నారు.