సోనం వాంగ్ చుక్ దీక్ష విరమణ..

ఉద్యమకారుడు సోనమ్ వాంగ్ చుక్ 26 రోజులుగా కొనసాగిస్తున్న నిరవధిక నిరాహార దీక్షను శుక్రవారం అర్ధరాత్రి విరమించారు. గురుగ్రామ్ లోని మోదాంతా ఆస్పత్రిలో చికిత్స పొందుతున్న వాంగ్ చుక్ ను కేంద్ర మంత్రులు జేపీ నడ్డా, డాక్టర్ జితేంద్ర సింగ్ కలిసి చర్చలు జరిపారు. చర్చల అనంతరం వీరి సమక్షంలోనే ఉపావాసాన్ని విరమించారు.

ఆరోగ్యం క్షీణించడంతో వాంగ్‌చుక్ మెడాంటా ఆసుపత్రిలో చికిత్స పొందుతున్నారు. కేంద్ర ప్రభుత్వ ప్రతినిధులతో జరిగిన సుదీర్ఘ చర్చల అనంతరం దీక్ష విరమించాలని నిర్ణయించుకున్నట్లు ఆయన తెలిపారు. ఈ విషయాన్ని తన ఎక్‌ ఖాతాలో వాంగ్‌చుక్ వెల్లడించారు. తాను ఎందుకు దీక్షను ముగించాననే విషయంపై త్వరలో ప్రత్యేక వీడియో విడుదల చేస్తానని అందులో పేర్కొన్నారు. అలాగే దేశంలో ఎక్కడా హింసకు తావు ఇవ్వకుండా ప్రతి ఒక్కరూ అప్రమత్తంగా ఉండాలని పిలుపునిచ్చారు. ‘కేంద్ర మంత్రులు JP నడ్డా, డాక్టర్ జితేంద్ర సింగ్, లేహ్-లడఖ్ అపెక్స్ బాడీ నాయకుల సమక్షంలో 26 రోజుల తర్వాత నా నిరాహార దీక్షను ముగించాను. వివిధ రాజకీయ పార్టీలకు చెందిన 65 మంది ఎంపీలు ప్రత్యక్షంగా వచ్చి లేదా లేఖల ద్వారా దీక్ష విరమించాలని కోరారు’ అని వాంగ్‌చుక్ తన పోస్టులో పేర్కొన్నారు.

మరో వైపు వాంగ్ చుక్ త్వరగా కోలుకోవాలని ప్రధాని నరేంద్ర మోదీ ట్వీట్ చేశారు. వైద్యులు సూచించిన డైట్ ను ఫాలో అవుతూ.. తిరిగి పూర్తి ఆరోగ్యవంతులు కావాలని ఆకాంక్షించారు. ఈ మేరకు ప్రధాని మోదీ ఓ ట్వీట్ చేశారు.

సోనం వాంగ్ చుక్ జూన్ 28 న నిరాహార దీక్షను ప్రారంభించారు. నీట్ పరీక్షలో జరిగిన అక్రమాలు, విద్య వ్యవస్థలో పారదర్శకత కోసం ఆయన ఈ ఆందోళన చేపట్టారు. అలాగే కేంద్ర విద్యాశాఖ మంత్రి ధర్మేంద్ర ప్రధాన్ కూడా తన పదవికి రాజీనామా చేయాలని డిమాండ్ చేశారు.

నిరాహార దీక్ష కారణంగా ఆరోగ్యం క్షీణించింది. దీంతో ఆయన్ను సఫ్దర్ జంగ్ ఆస్పత్రికి తరలించారు. తర్వాత ఆయన భార్య గీతాంజలి దాఖలు చేసిన పిటిషన్ పై ఢిల్లీ హైకోర్టు ఆదేశాల మేరకు మెరుగైన వైద్యం కోసం మెదాంత ఆస్పత్రికి తరలించారు. అక్కడే కేంద్ర మంత్రులు దీక్ష విరమింపజేశారు.