ఉద్యోగుల ఆరోగ్యం కోసం.. ఏప్రిల్ 26న నాట్స్ ‘ఎర్గోనామిక్స్’ వెబ్‌నార్!

NATS: ఉత్తర అమెరికా తెలుగు సంఘం (NATS) ఆధ్వర్యంలో పని ప్రదేశంలో , ఇంట్లో అనుసరించాల్సిన శారీరక భంగిమలు, ఆరోగ్య సూత్రాలపై ‘Ergonomics at Work and Home’ అనే అంశంపై ప్రత్యేక వెబ్‌నార్ నిర్వహిస్తున్నారు. మెరుగైన పనితీరు (Efficiency) , ఆరోగ్యం (Health) కోసం సరళమైన పరిష్కారాలను ఈ సందర్భంగా వివరించనున్నారు.

కార్యక్రమ వివరాలు..

• అంశం: ఎర్గోనామిక్స్ – పని ప్రదేశం , ఇంట్లో తీసుకోవాల్సిన జాగ్రత్తలు.
• తేదీ: ఏప్రిల్ 26, 2026 (ఆదివారం).
• సమయం: ఉదయం 11:00 గంటలకు (EST).
• ప్రధాన వక్త: మిస్టర్ మను నెల్లుట్ల, CCPE (ఎర్గోనామిక్స్ నిపుణులు).

 వెబ్‌నార్  ఉద్దేశం..
నేటి ఆధునిక జీవనశైలిలో గంటల తరబడి కంప్యూటర్ల ముందు కూర్చుని పని చేసే వారు ఎదుర్కొనే వెన్నునొప్పి, మెడనొప్పి వంటి సమస్యలను ఎలా నివారించాలో ఈ వెబ్‌నార్ ద్వారా తెలియజేయనున్నారు. సరైన పద్ధతిలో కూర్చోవడం, పనిముట్లను అమర్చుకోవడం ద్వారా ఆరోగ్యాన్ని ఎలా కాపాడుకోవాలో నిపుణులు వివరిస్తారు.

నిర్వాహక బృందం..
నాట్స్ చైర్మన్ కిషోర్ కంచర్ల, ప్రెసిడెంట్ శ్రీహరి మందాడి పర్యవేక్షణలో ఈ కార్యక్రమం జరుగుతోంది. దీనికి సంబంధించి పలువురు బోర్డ్ సభ్యులు , జాతీయ స్పాన్సర్లు సహకారం అందిస్తున్నారు.

మరిన్ని వివరాల కోసం నాట్స్ హెల్ప్‌లైన్ నంబర్లు +1-888-4-TELUGU లేదా help-line@natsworld.org ద్వారా సంప్రదించవచ్చు లేదా www.natsworld.org సందర్శించవచ్చు.