Raghunatha Reddy: సీనియర్ నటుడు రఘునాథ్ రెడ్డి కన్నుమూత

Raghunatha Reddy: తెలుగు చలనచిత్ర పరిశ్రమలో సుదీర్ఘ కాలం పాటు క్యారెక్టర్ ఆర్టిస్ట్‌గా రాణించిన సీనియర్ నటుడు రఘునాథ్ రెడ్డి (75) మరణించారు. ఆదివారం (ఫిబ్రవరి 1, 2026) ఉదయం ఆయన గుండెపోటుతో తుదిశ్వాస విడిచారు.

370కి పైగా సినిమాల్లో నటన రఘునాథ్ రెడ్డి తన సినీ కెరీర్‌లో కేవలం తెలుగులోనే కాకుండా హిందీ, తమిళం, భోజ్‌పురి భాషల్లో కూడా నటించారు. మొత్తం 370కి పైగా చిత్రాల్లో సహాయ నటుడిగా, తండ్రిగా, విలన్‌గా విభిన్న పాత్రలు పోషించి మెప్పించారు. వెండితెరపైనే కాకుండా పలు బుల్లితెర సీరియళ్లలోనూ నటించి గృహిణులకు దగ్గరయ్యారు.

కుటుంబంలో వరుస విషాదాలు రఘునాథ్ రెడ్డి మరణం ఆయన కుటుంబంలో తీవ్ర విషాదాన్ని నింపింది. కొన్ని నెలల క్రితమే ఆయన కుమారుడు కూడా గుండెపోటుతోనే మరణించారు. కొడుకును కోల్పోయిన బాధ నుంచి కోలుకోకముందే, ఇప్పుడు ఆయన కూడా అదే కారణంతో కన్నుమూయడం అభిమానులను, సినీ ప్రముఖులను కలిచివేస్తోంది.

ఆయన మృతి పట్ల టాలీవుడ్ ప్రముఖులు దిగ్భ్రాంతి వ్యక్తం చేస్తూ, సంతాపం ప్రకటిస్తున్నారు.