గ్రామీణ నేపథ్యంలో సంపత్ నంది మూవీ
- Published By: Sravani
- August 14, 2026 / 04:15 PM IST
రీసెంట్ గా ఓదెల(Odela) ఫ్రాంచైజ్తో గుర్తింపు పొందిన డైరెక్టర్ సంపత్ నంది(Sampath Nandi) తన తర్వాతి ప్రాజెక్ట్ను అఫీషియల్ గా అనౌన్స్ చేశారు. ఈ సినిమాను ఎస్డిఎల్పి(SDLP) అఫీషియల్ బ్యానర్పై నిర్మించనున్నారు. ప్రస్తుతం ప్రొడక్షన్ నంబర్ 2 పేరుతో మొదలైన ఈ ప్రాజెక్ట్ గ్రామీణ జీవన శైలిని కేంద్రంగా తీసుకుని రూపొందించనున్నట్లు చిత్ర బృందం వెల్లడించింది. స్థానిక సంస్కృతి, మనుషుల భావోద్వేగాలు, నేలతో మమేకమైన కథాంశం ఈ సినిమాకు ప్రధాన బలం కానుందని సమాచారం.
సంపత్ నంది గతంలో కమర్షియల్ అంశాలను గ్రామీణ నేపథ్యంతో మేళవించిన విధానం ప్రేక్షకులను ఆకట్టుకుంది. అదే శైలిని మరింత విస్తృతంగా ఈ కొత్త సినిమాలో ఆవిష్కరించనున్నట్లు ఇండస్ట్రీ వర్గాలు భావిస్తున్నాయి. ఇటీవల ప్రాంతీయ కథలకు పాన్ ఇండియా స్థాయిలో పెరుగుతున్న ఆదరణ నేపథ్యంలో ఈ ప్రాజెక్ట్పై ప్రత్యేక ఆసక్తి నెలకొంది. గ్రామీణ నేపథ్యంలో స్ట్రాంగ్ ఎమోషన్స్ తో కూడిన కథను తెరకెక్కించే ప్రయత్నంగా ఈ సినిమా నిలవొచ్చనే అంచనాలు వినిపిస్తున్నాయి.
ఈ సినిమా ప్రారంభోత్సవ కార్యక్రమం ఇవాళే హైదరాబాద్లోని రామానాయుడు స్టూడియోస్ లో నిర్వహించారు. పూజా కార్యక్రమాలతో చిత్ర నిర్మాణానికి నిర్మాతలు శ్రీకారం చుట్టగా, సినిమా టైటిల్, ప్రధాన నటీనటులు, టెక్నికల్ టీమ్ మరియు రెగ్యులర్ షూటింగ్కు సంబంధించిన వివరాలను త్వరలో ప్రకటించనున్నట్లు వెల్లడించారు. గ్రామీణ కథలకు కొత్త ఊపు తీసుకురావాలనే టార్గెట్ తో ఈ కాంబినేషన్ ముందుకు వస్తుండటంతో, టాలీవుడ్లో ఈ ప్రాజెక్ట్పై మంచి ఆసక్తి నెలకొంది.
