రాకా రిలీజ్ డేట్ వైరల్.. అసలు నిజం ఏంటంటే?

పాన్ ఇండియా స్థాయిలో భారీ అంచనాలు నెలకొన్న ఐకాన్ స్టార్ అల్లు అర్జున్(Allu Arjun)- అట్లీ(Atlee) కాంబినేషన్ మూవీ రాకా(Raaka) ప్రస్తుతం సోషల్ మీడియాలో మరోసారి హాట్ టాపిక్‌గా మారింది. ఇటీవల ఈ సినిమా పేరుతో ఉన్న ఓ సోషల్ మీడియా అకౌంట్ నుంచి డిసెంబర్ 31న సినిమా రిలీజ్ కానుందని ప్రచారం జరగడంతో ఫ్యాన్స్ ఒక్కసారిగా షాక‌య్యారు. అయితే ఈ రిలీజ్ డేట్‌కు సంబంధించి ఎలాంటి అఫీషియ‌ల్ అనౌన్స్‌మెంట్ వెలువడలేదని తెలుస్తోంది. ప్రస్తుతం సినిమా నిర్మాణ సంస్థ అధికారిక సమాచారం ప్రకారం ప్రాజెక్ట్ షూటింగ్ దశలోనే కొనసాగుతోంది.

వైరల‌వుతున్న పోస్టును పరిశీలిస్తే, అది అఫీషియ‌ల్ మూవీ హ్యాండిల్ నుంచి వచ్చిన సమాచారం కాదనే విషయం స్పష్టమవుతోంది. దీంతో డిసెంబర్ 31 రిలీజ్ అంటూ జరుగుతున్న ప్రచారం పూర్తిగా అనధికారికమని చెప్పొచ్చు. ఇప్పటికే సినిమా రిలీజ్‌పై పలు ఊహాగానాలు వినిపిస్తున్నప్పటికీ, మేకర్స్ మాత్రం ఇప్పటివరకు ఎలాంటి డేట్‌ను అనౌన్స్ చేయ‌లేదు. గతంలో డిసెంబర్ 2027 రిలీజ్‌పై కథనాలు వచ్చినా, అవి కూడా అఫీషియ‌ల్ అనౌన్స్‌మెంట్స్ కావని గుర్తుంచుకోవాలి.

అట్లీ దర్శకత్వంలో రూపొందుతున్న ఈ భారీ ప్రాజెక్ట్‌పై ప్రేక్షకుల్లో భారీ ఆసక్తి నెలకొంది. రెండు భాగాలుగా తెరకెక్కే అవకాశంపై కూడా ఇటీవల ప్రచారం సాగుతోంది. సాయి అభ్యంకర్ సంగీతం అందిస్తున్న ఈ సినిమాను సన్ పిక్చర్స్ అత్యంత ప్రతిష్టాత్మకంగా నిర్మిస్తోంది. షూటింగ్, పోస్ట్ ప్రొడక్షన్ పనుల పరిమాణాన్ని చూస్తే రిలీజ్‌కు ఇంకా టైమ్ పట్టే అవకాశ‌ముంది. కాబట్టి ఫ్యాన్స్ వైరల్ పోస్టులను నమ్మకుండా, రాకా రిలీజ్ డేట్‌పై మేకర్స్ నుంచి వచ్చే అఫీషియ‌ల్ అనౌన్స్‌మెంట్‌ కోసం వేచి చూడాల్సిందే.