Strait of Hormuz: ఇరాన్పై యుద్ధంలోకి యూఏఈ? హోర్ముజ్ జలసంధి తెరిపించేందుకే?
- Published By: Phanindra
- April 3, 2026 / 06:59 AM IST
పశ్చిమాసియా ఉద్రిక్తతల్లో అత్యంత సంచలన పరిణామం చోటుచేసుకోనుంది. ఇరాన్పై అమెరికా-ఇజ్రాయెల్ సంయుక్తంగా సాగిస్తున్న దాడుల్లో (Strait of Hormuz) యునైటెడ్ అరబ్ ఎమిరేట్స్ (UAE) కూడా నేరుగా పాల్గొనేందుకు సమాయత్తమవుతున్నట్లు ప్రముఖ పత్రిక ‘వాల్స్ట్రీట్ జర్నల్’ వెల్లడించింది. ఒకవేళ ఇదే జరిగితే, ఇరాన్తో ప్రత్యక్ష యుద్ధ రంగంలోకి దిగిన మొట్టమొదటి పర్షియన్ గల్ఫ్ దేశంగా యూఏఈ నిలవనుంది.
టార్గెట్ హోర్ముజ్
ఇరాన్ తమ దేశంపై పరోక్షంగా దాడులు చేస్తున్నా ఇన్నాళ్లూ యూఏఈ తీవ్ర సంయమనం పాటించింది. కానీ ప్రపంచ వాణిజ్యానికి అత్యంత కీలకమైన హోర్ముజ్ జలసంధిని (Strait of Hormuz) ఇరాన్ ఏకపక్షంగా మూసివేయడంతో యూఏఈ ఆర్థికంగా తీవ్ర నష్టాలను చవిచూస్తోంది. ఈ నేపథ్యంలోనే యూఏఈ వ్యూహం మార్చినట్లు తెలుస్తోంది. ఎలాగైనా సరే హోర్ముజ్ను బలవంతంగానైనా తెరిపించాలని ఆ దేశం గట్టి నిశ్చయానికి వచ్చింది. ఈ దిశగా అమెరికా చేస్తున్న సైనిక ప్రయత్నాలకు యూఏఈ దౌత్య వర్గాలు పూర్తి మద్దతు ప్రకటిస్తున్నాయి.
ఇవి కూడా చదవండి
అవసరమైతే బలప్రయోగం చేయడానికి వీలుగా, ఇరాన్పై సైనిక చర్యలకు అధికారం ఇచ్చే ‘ఐక్యరాజ్యసమితి భద్రతా మండలి’ (UNSC) తీర్మానం కోసం యూఏఈ రహస్యంగా అమెరికా, యూరప్, ఆసియా దేశాలతో మంతనాలు జరుపుతోందని సమాచారం.
