Israeil: క్షిపణి కేంద్రాలే లక్ష్యంగా అమెరికా అతిపెద్ద ఆపరేషన్.. ఇరాన్లో ముమ్మర దాడులు
- Published By: Vishal
- March 7, 2026 / 10:51 AM IST
పశ్చిమాసియాలో యుద్ధ జ్వాలలు మరింత ఉగ్రరూపం దాల్చాయి. ఇరాన్పై ఇప్పటివరకు చూడని రీతిలో అతిపెద్ద సైనిక చర్యకు తాము సిద్ధమయ్యామని అమెరికా ఆర్థిక మంత్రి స్కాట్ బెసెంట్ ప్రకటించడం అంతర్జాతీయంగా సంచలనం సృష్టిస్తోంది. టెహ్రాన్ ఏళ్ల తరబడి నిర్మించుకున్న క్షిపణి తయారీ కేంద్రాలు, లాంచర్లను పూర్తిగా తుడిచిపెట్టడమే లక్ష్యంగా ఈ భారీ ఆపరేషన్ సాగుతోందని ఆయన వెల్లడించారు. ఈ చారిత్రక దాడులు శనివారం ఉదయం నుంచే ఇరాన్లోని పలు వ్యూహాత్మక ప్రాంతాల్లో ప్రారంభమయ్యాయి.
అదనపు యుద్ధ నౌకల మోహరింపు
యుద్ధం తీవ్రత దృష్ట్యా అమెరికా తన నౌకాదళాన్ని మరింత పటిష్టం చేసింది. ఇప్పటికే ఉన్న యుద్ధ నౌకలకు తోడుగా, తాజాగా యూఎస్ఎస్ జార్జ్ హెచ్డబ్ల్యూ బుష్ విమాన వాహక నౌక అట్లాంటిక్ దాటి మధ్యధరా సముద్రం వైపు కదిలింది. అలాగే, కరేబియన్ సముద్రంలో ఉన్న యూఎస్ఎస్ జెరాల్డ్ ఆర్ ఫోర్డ్ నౌక ఎర్ర సముద్రం వైపు ప్రయాణిస్తోంది. ఈ భారీ మోహరింపు ఇరాన్కు స్పష్టమైన హెచ్చరికగా నిపుణులు భావిస్తున్నారు.
ఇవి కూడా చదవండి
ఇజ్రాయెల్కు అగ్రరాజ్యం ‘ఎమర్జెన్సీ’ దన్ను
మరోవైపు, ఇరాన్తో పోరాడుతున్న ఇజ్రాయెల్కు అండగా అమెరికా భారీ ఎత్తున ఆయుధాలను సరఫరా చేస్తోంది. అత్యవసర విక్రయాల కింద 12,000 బాంబు కేసింగ్లతో పాటు ఇతర అత్యాధునిక మందుగుండు సామగ్రిని ఇజ్రాయెల్కు పంపినట్లు అమెరికా విదేశాంగ శాఖ ధృవీకరించింది. దీనివల్ల ఇరాన్ దాడులను తిప్పికొట్టడంలో ఇజ్రాయెల్కు మరింత బలం చేకూరనుంది.
మెహ్రాబాద్ విమానాశ్రయంపై దాడులు
శుక్రవారం అర్ధరాత్రి నుంచి ఇజ్రాయెల్ వైమానిక దళం ఇరాన్లోని కీలక ప్రాంతాలపై దాడులు ముమ్మరం చేసింది. టెహ్రాన్లోని మెహ్రాబాద్ అంతర్జాతీయ విమానాశ్రయం లక్ష్యంగా జరిగిన దాడిలో విమానాశ్రయం కొంత భాగం ధ్వంసమైంది. అక్కడ భారీగా మంటలు ఎగసిపడుతున్నాయని, ఇరాన్ అధికారులు సహాయక చర్యల్లో నిమగ్నమైనట్లు తెలుస్తోంది. ఇరాన్కు రష్యా నుంచి ఇంటెలిజెన్స్ సాయం అందుతోందన్న వార్తలు కూడా ఇప్పుడు అంతర్జాతీయంగా చర్చనీయాంశంగా మారాయి.
ఇవి కూడా చదవండి
