జూన్ 20న ఫిలడెల్ఫియాలో MATA లీగల్ ఫోరమ్ ప్రత్యేక సదస్సు

MATA : మన అమెరికా తెలుగు సంఘం (MATA) ఆధ్వర్యంలో అత్యంత ప్రతిష్ఠాత్మకంగా నిర్వహించ తలపెట్టిన “MATA 2వ కన్వెన్షన్ ‘26” (MATA 2nd Convention ‘26) మహాసభల వేదికగా ప్రవాస తెలుగువారి కోసం ప్రత్యేకంగా ‘లీగల్ ఫోరమ్’ (Legal Forum – Immigration Hour) కార్యక్రమాన్ని ఏర్పాటు చేశారు. జూన్ 19 నుండి జూన్ 20, 2026 వరకు గ్రేటర్ ఫిలడెల్ఫియా ఎక్స్‌పో సెంటర్ (The Greater Philadelphia Expo Center, 100 Station Ave, Oaks, PA-19456) లో ఈ మహాసభలు జరగనున్నాయి.

వివరాలు..
మహాసభల్లో భాగంగా జూన్ 20వ తేదీ శనివారం మధ్యాహ్నం 2:30 గంటల నుండి సాయంత్రం 4:30 గంటల వరకు (EST) ఈ లీగల్ ఫోరమ్ సదస్సు జరగనుంది. ప్రవాసులకు నిత్యం ఎదురయ్యే పలు చట్టపరమైన అంశాలపై అవగాహన కల్పించడమే ఈ కార్యక్రమం  ముఖ్య ఉద్దేశం.

చర్చించబోయే  అంశాలు..

• ఇమ్మిగ్రేషన్ చట్టాలు & పాలసీలు (Immigration Law & Policy Insights)
• కుటుంబ చట్టపరమైన సమస్యలు (Family Law Matters)
• రియల్ ఎస్టేట్ చట్టాలు & లావాదేవీలు (Real Estate Law & Transactions)
• బిజినెస్ లా & నిబంధనల అమలు (Business Law & Compliance)

ప్రముఖ న్యాయ నిపుణుల నేతృత్వంలో..
ఈ సదస్సులో అమెరికాలోని ప్రముఖ న్యాయ నిపుణులు మోడరేటర్లు, ప్రెజెంటర్లుగా వ్యవహరించి సందేహాలను నివృత్తి చేయనున్నారు. వారిలో సోమిరెడ్డి లా గ్రూప్ వ్యవస్థాపక భాగస్వామి సంతోష్ ఆర్. సోమిరెడ్డి (Santosh R Somi Reddy), కంప్యూనెల్ ఇంక్ జనరల్ కౌన్సెల్ ప్రేమా రొద్దం (Prema Roddam), పటూరి లా వ్యవస్థాపక భాగస్వామి మధురిమ పటూరి (Madhurima Paturi) పాల్గొననున్నారు. ఈ లీగల్ ఫోరమ్‌కు ప్రేమా రొద్దం అడ్వైజర్‌గా వ్యవహరిస్తుండగా, కళ్యాణి బెల్లంకొండ (732-647-8176) కోఆర్డినేటర్‌గా వ్యవహరిస్తున్నారు.

నిర్వాహకులు..
ఈ మహాసభల విజయవంతం కోసం MATA ప్రెసిడెంట్ రమణ కిరణ్ దూడగి, కన్వీనర్ శ్రీధర్ గూడాల, కో-కన్వీనర్లు టోనీ జన్ను, దాము గేదెల, అడ్వైజరీ కమిటీ ప్రతినిధులు శ్రీనివాస్ గనగోని, ప్రదీప్ సమల, జితేందర్ రెడ్డి , కన్వెన్షన్ కోర్ కమిటీ సభ్యులు విస్తృత ఏర్పాట్లు చేస్తున్నారు. ఈ కార్యక్రమానికి ఎక్స్ ప్యాట్ మనీ (xpat.money) , ఎంఎస్ఎన్ రియాల్టీ (MSN Realty) సంస్థలు మెగా స్పాన్సర్లుగా వ్యవహరిస్తున్నాయి. కన్వెన్షన్ టికెట్ల కోసం కరపత్రంలోని క్యూఆర్ కోడ్‌ను స్కాన్ చేయవచ్చని నిర్వాహకులు తెలిపారు.