TTA: జూలై 17 నుండి టిటిఏ సంబరాలు.. వేదికపై మన తెలుగు సంస్కృతి వైభవం!

TTA: నార్త్ కరోలినాలోని షార్లెట్ వేదికగా జరగనున్న తెలంగాణ అమెరికన్ తెలుగు అసోసియేషన్ (TTA) మెగా కన్వెన్షన్ 2026లో భాగంగా ఒక అద్భుతమైన సాంస్కృతిక ప్రదర్శనను ఏర్పాటు చేశారు. ప్రముఖ నృత్య దర్శకుడు గ్రెగొరీ హ్యాంకాక్ సారథ్యంలోని ‘గ్రెగొరీ హ్యాంకాక్ డాన్స్ థియేటర్’, ఈ వేదికపై “సెలబ్రేటింగ్ తెలుగు లెగసీ ఇన్ అమెరికా” (Celebrating Telugu Legacy in America) అనే ప్రత్యేక ప్రదర్శనను ఇవ్వనుంది.

భారతీయ సంస్కృతి, ముఖ్యంగా తెలుగు వారసత్వాన్ని అంతర్జాతీయ స్థాయి కొరియోగ్రఫీతో మేళవించి గ్రెగొరీ హ్యాంకాక్ ఈ ప్రదర్శనను రూపొందించారు. సంగీతం, నృత్యం, రంగురంగుల వేషధారణలతో సాగే ఈ ఈవెంట్ కన్వెన్షన్ లో ప్రధాన ఆకర్షణగా నిలవనుంది. గతంలో వేలాది మంది ప్రేక్షకులను మంత్రముగ్ధులను చేసిన ఈ బృందం, ఇప్పుడు టిటిఏ వేదికపై మన తెలుగు సంస్కృతిని ప్రతిబింబించనుంది.

వేదిక, తేదీలు:

• ఈవెంట్: టిటిఏ (TTA) మెగా కన్వెన్షన్ 2026
• తేదీలు: జూలై 17 నుండి 19, 2026
• వేదిక: షార్లెట్ కన్వెన్షన్ సెంటర్ (501 S College St, Charlotte, NC)

తెలుగు వారసత్వాన్ని, కళా వైభవాన్ని చాటిచెప్పే ఈ మహాసభలకు ప్రవాస తెలుగు వారందరూ భారీగా తరలివచ్చి విజయవంతం చేయాలని టిటిఏ నిర్వాహకులు కోరుతున్నారు. మరిన్ని వివరాలకు www.ttaconvention.org వెబ్‌సైట్‌ను సందర్శించవచ్చు.