ది ప్యారడైజ్ సెకండ్ సాంగ్ పై పెరుగుతున్న అంచనాలు

నేచురల్ స్టార్ నాని(Nani), డైరెక్ట‌ర్ శ్రీకాంత్ ఓదెల(Srikanth Odela) కాంబినేషన్‌లో తెరకెక్కుతున్న ది ప్యారడైజ్ (the Paradise) సినిమాపై అంచనాలు రోజురోజుకూ పెరుగుతున్నాయి. ముఖ్యంగా సినిమా ప్రమోషన్స్‌లో మ్యూజిక్‌కి కీలక స్థానం దక్కుతుండటంతో ఇప్పుడు సెకండ్ సింగిల్‌పై ఆసక్తి నెలకొంది. ఇప్పటికే రిలీజై ఆయా షేర్(Aaya sher) సాంగ్ ఆడియ‌న్స్ లో మంచి రెస్పాన్స్ ను అందుకోవడంతో, తర్వాతి సాంగ్ ఎలాంటి మ్యూజికల్ ట్రీట్ ఇవ్వబోతుందనే డిస్క‌ష‌న్ మొదలైంది.

ఈ నేపథ్యంలో సెకండ్ సింగిల్ రికార్డింగ్ పూర్తయినట్లు డైరెక్ట‌ర్ శ్రీకాంత్ ఓదెల వెల్లడించడం ఆసక్తిని పెంచుతోంది. సాంగ్ రిలీజ్ కు సంబంధించిన అధికారిక వివరాలు త్వరలోనే వెలువడే అవకాశం ఉండటంతో ఫ్యాన్స్ ఆసక్తిగా ఎదురుచూస్తున్నారు. ఫ‌స్ట్ సాంగ్ తో ఏర్పడిన ఎనర్జీని కొనసాగిస్తూ కొత్త సాంగ్‌ను రెడీ చేసినట్లు చిత్రబృందం నుంచి వచ్చిన అప్‌డేట్‌ హైప్‌ను మరింత పెంచుతోంది.

మ్యూజిక్ డైరెక్ట‌ర్ అనిరుధ్ రవిచందర్(Anirudh Ravichander), లిరిక్ రైట‌ర్ కాసర్ల శ్యామ్(Kasarla Shyam), శ్రీకాంత్ ఓదెల కలయికలో వస్తున్న ఈ సాంగ్‌పై సహజంగానే అంచనాలు భారీగా ఉన్నాయి. కథ, క్యారెక్ట‌ర్లు, టేకింగ్‌తో పాటు మ్యూజిక్‌ కూడా సినిమాకు స్పెష‌ల్ ఎట్రాక్ష‌న్ గా నిలిచేలా మేకర్స్ ప్లాన్ చేస్తున్నట్లు తెలుస్తోంది. దీంతో సెకండ్ సింగిల్ రిలీజైన తర్వాత సినిమాపై మ్యూజికల్ బజ్ మరింత పెరిగే అవకాశం ఉంది.

SLV సినిమాస్(SLV Cinemas) బ్యానర్‌పై సుధాకర్ చెరుకూరి(Sudhakar Cherukuri) భారీ స్థాయిలో నిర్మిస్తున్న ఈ సినిమాలో కాయదు లోహర్(Kayadhu Lohar), మోహన్ బాబు(Mohan Babu), రాఘవ్ జుయల్(Raghav Jhuyal) కీలక పాత్రల్లో కనిపించనున్నారు. సెప్టెంబర్ 24న ప్రేక్షకుల ముందుకు రానున్న ది ప్యారడైజ్ కోసం ప్రస్తుతం ప్రమోషనల్ కార్యక్రమాలను వేగవంతం చేస్తున్నారు. ఈ క్రమంలో సెకండ్ సాంగ్ రిలీజ్ కు సినిమాకు మరింత క్రేజ్ తీసుకురానుందా అనేది ఆసక్తికరంగా మారింది.