ఎయిరిండియా కొత్త సీఈవోగా టెవోల్డే గెబ్రెమరియం..!

దేశంలోని అతిపెద్ద విమానయానసంస్థల్లో ఒకటైనఎయిరిండియా.. సంస్థ సేవలు పునరుద్ధరణ, విస్తరణ దిశగా అడుగులేస్తోంది. ఈసమయంలో సంస్థ సీఈవోగా ఉన్న క్యాంప్ బెల్ విల్సన్.. తన పదవి నుంచి తప్పుకోనున్నారు. ఆయన స్థానంలో కొత్త ఇథియోపియన్ ఎయిర్‌లైన్స్ గ్రూప్ మాజీ సీఈఓ టెవోల్డే గెబ్రెమరియంను చీఫ్ ఎగ్జిక్యూటివ్ ఆఫీసర్ మరియు మేనేజింగ్ డైరెక్టర్‌గా నియమించింది

సింగపూర్ ఎయిర్‌లైన్స్ మాజీ ఎగ్జిక్యూటివ్ అయిన విల్సన్, అప్పటి ప్రభుత్వ యాజమాన్యంలోని విమానయాన సంస్థను టాటా గ్రూప్ కొనుగోలు చేసిన తర్వాత 2022లో ఎయిర్ ఇండియా సీఈఓ మరియు మేనేజింగ్ డైరెక్టర్‌గా బాధ్యతలు స్వీకరించారు. విల్సన్ పదవి నుంచి వైదొలగడానికి ఆసక్తిగా ఉన్నారని, ఆయన వారసుడి కోసం అన్వేషణ జరుగుతోందని ఆ విమానయాన సంస్థ గతంలోనే ప్రకటించింది.

గెబ్రెమరియం ప్రస్థానం..!

ఇథియోపియన్ ఎయిర్‌లైన్స్ గ్రూప్ సీఈఓగా దశాబ్దానికి పైగా పదవీకాలంలో, గెబ్రెమరియం నేతృత్వంలో జరిగిన అనేక బిలియన్ డాలర్ల విస్తరణ ఆ విమానయాన సంస్థను ఆఫ్రికాలోనే అతిపెద్ద మరియు అత్యంత లాభదాయకమైన క్యారియర్‌గా మార్చింది. ఆయన గ్రూప్ ఆదాయాన్ని నాలుగు రెట్లకు పైగా పెంచారు .విమాన సర్వీసులను దాదాపు మూడు రెట్లు పెంచారు. అదే సమయంలో సంక్లిష్టమైన విమానయాన కార్యకలాపాలను నిర్వహించడంలో, గ్లోబల్ హబ్ నెట్‌వర్క్‌లను అభివృద్ధి చేయడంలో, నిర్వహణ, మరమ్మత్తు మరియు ఓవర్‌హాల్ (MRO) సామర్థ్యాలను బలోపేతం చేయడం,విమానయాన శిక్షణా మౌలిక సదుపాయాలను విస్తరించడంలో కీలక భూమిక పోషించారు.

ప్రపంచ విమానయాన కేంద్రంగా భారతదేశ స్థానాన్ని బలోపేతం చేయడానికి, అంతర్జాతీయ అనుసంధానాన్ని విస్తరించడానికి, విమానయాన భద్రత మరియు నియంత్రణలో అత్యున్నత ప్రమాణాలను కొనసాగించడానికి గెబ్రెమరియం పౌర విమానయాన అధికారులు మరియు నియంత్రణ సంస్థలతో కలిసి పనిచేస్తారని ఎయిర్ ఇండియా తెలిపింది.

సుదూర అంతర్జాతీయ నెట్‌వర్క్‌లను విస్తరించడం, ప్రపంచ స్థాయి హబ్ కార్యకలాపాలను నిర్మించడం, పటిష్టమైన భద్రత మరియు ఇంజనీరింగ్ ప్రమాణాలను పాటించడం, లాభదాయకతను పెంచడం, అలాగే అత్యుత్తమ పనితీరు కనబరిచే, వినియోగదారులపై దృష్టి సారించే సిబ్బందిని అభివృద్ధి చేయడంలో ఆయనకున్న అనుభవం ఎయిర్ ఇండియా తదుపరి వృద్ధి దశకు తోడ్పడుతుందని ఆ విమానయాన సంస్థ పేర్కొంది.