మమతకు దెబ్బమీద దెబ్బ.. ఎన్నికల సింబల్ పోయె..
- Published By: Srinivas Mohan
- September 19, 2026 / 01:40 PM IST
ఉపఎన్నికల వేళ బెంగాల్ మాజీ సీఎం మమతకు..మరో గట్టిషాక్ తగిలింది. ఉప ఎన్నికలకు సమయం దగ్గపడుతోన్న వేళ మమత వర్గానికి చెందిన టీఎంసీ అభ్యర్థి రబియుల్ ఆలం చౌదరి (Rabiul Alam Chowdhury).. రేజినగర్ ఉప ఎన్నిక బరి నుంచి వైదొలిగారు. తన నామినేషన్ను ఉపసంహరించుకున్నట్లు ఆయన తెలిపారు. మమత వర్గానికి చెందిన టీఎంసీ అభ్యర్థి సంచితా ప్రధాన్ (Sanchita Pradhan De) శుక్రవారం నందిగ్రామ్ ఉప ఎన్నిక బరి నుంచి వైదొలిగారు.
పశ్చిమ బెంగాల్లో నందిగ్రామ్తోపాటు రెజీనగర్ అసెంబ్లీ నియోజకవర్గాలకు అక్టోబర్ 6న ఉప ఎన్నికలు జరగనున్నాయి. తాజాగా మమత వర్గం నుంచి ఇరువురు అభ్యర్థులు తమ నామినేషన్లను ఉపసంహరించుకోవడంతో.. దీదీ పార్టీ ఈ ఎన్నికల బరిలో నిలిచే అవకాశం లేకుండా పోయింది. కాగా నందిగ్రామ్ (Nandigram bypoll) స్థానం నుంచి తాము కాంగ్రెస్ అభ్యర్థికి మద్దతిస్తామని మమత ఇప్పటికే ప్రకటించారు. ఆమె ఈ ప్రకటన చేసిన గంటల వ్యవధిలోనే ఓ కేసులో కాంగ్రెస్ అభ్యర్థి మిలాన్ ప్రధాన్ను బెంగాల్ పోలీసులు అరెస్ట్ చేయడం చర్చనీయాంశమైంది.
సుప్రీంను ఆశ్రయించిన మమత..
తృణమూల్ కాంగ్రెస్ ఇటీవల రెండుగా చీలిపోవడం.. తమదే అసలైన పార్టీ అని ప్రకటించుకోవడంతో ఇరువర్గాల మధ్య వివాదం నడుస్తోంది. ఈ నేపథ్యంలో ఉప ఎన్నికల్లో పార్టీ పేరు, దాని ఎన్నికల చిహ్నమైన ‘పూలు గడ్డి’ని ఉపయోగించరాదని ఇరువర్గాలకు ఎన్నికల సంఘం (EC) ఆదేశాలిచ్చింది. ఆ తర్వాత ఆ రెండు వర్గాలకు వేర్వేరు పేర్లు, గుర్తుల (Party Symbol)ను కేటాయించింది. దీనిని సవాల్ చేస్తూ మమతా బెనర్జీ సుప్రీంకోర్టు (Supreme Court)ను ఆశ్రయించారు. పిటిషన్లో ఈసీతో పాటు బెంగాల్ అసెంబ్లీలో ప్రతిపక్ష నాయకుడైన రితబ్రతా బెనర్జీని ప్రతివాదిగా చేర్చారు. తన పార్టీ అసలు గుర్తింపు అయిన ‘పూలు గడ్డి’ గుర్తును తిరిగి పొందేవరకు పోరాడతాని ఆమె ఈ సందర్భంగా తెలిపారు.
