డిసెంబర్ 18 నుండి 20 వరకు GOPIO సదస్సు..
- Published By: Vishal
- September 30, 2026 / 12:13 PM IST
గ్లోబల్ ఆర్గనైజేషన్ ఆఫ్ పీపుల్ ఆఫ్ ఇండియన్ ఆరిజిన్ (GOPIO) తన 2026 ద్వైవార్షిక సదస్సును డిసెంబర్ 18 నుండి 20 వరకు ముంబైలోని నేషనల్ స్పోర్ట్స్ క్లబ్ ఆఫ్ ఇండియా (NSCI) వేదికగా నిర్వహించనున్నట్లు అధికారికంగా ప్రకటించింది. ఈ మూడు రోజుల పాటు జరిగే ప్రపంచ సదస్సుకు ప్రపంచవ్యాప్తంగా ఉన్న భారతీయ సంతతికి చెందిన ప్రముఖులు, పారిశ్రామికవేత్తలు, నిపుణులు, విద్యావేత్తలు, శాస్త్రవేత్తలు, యువ సాధకులు అలాగే కమ్యూనిటీ లీడర్లు హాజరుకానున్నారు. భారత్కు, గ్లోబల్ ఇండియన్ డయాస్పోరాకు మధ్య సంబంధాలను బలోపేతం చేయడం, సరికొత్త ఆలోచనలు, భాగస్వామ్యాలను పంచుకోవడం ఈ సదస్సు ప్రధాన ఉద్దేశం.
సదస్సు థీమ్: “వికాసన – వికసిత భారత్ కోసం ప్రవాసులు”..
ఈ ప్రత్యేకమైన థీమ్ ప్రపంచవ్యాప్తంగా ఉన్న ప్రవాస భారతీయులకు, భారతదేశ అభివృద్ధి ప్రయాణానికి మధ్య ఉన్న బలమైన అనుబంధాన్ని ప్రతిబింబిస్తుంది. సాంకేతికత, మూలధనం, స్టార్టప్లు, మెంటార్లు, ఇంక్యుబేటర్ల వృద్ధి చెందుతున్న పర్యావరణ వ్యవస్థతో ప్రవాస భారతీయులను అనుసంధానించే అద్భుతమైన అవకాశాలపై ఈ సదస్సులో విస్తృతంగా చర్చిస్తారు.
ఇవి కూడా చదవండి
కీలక చర్చలు, సమావేశాలు..
నూతన సాంకేతికతలు, పెట్టుబడి అవకాశాలు, సైన్స్ & టెక్నాలజీ, ఎంటర్ప్రెన్యూర్షిప్, స్టార్టప్ ఎకోసిస్టమ్ వంటి వివిధ అంశాలపై ప్రత్యేక సదస్సులు నిర్వహించనున్నారు. అలాగే ప్రవాస భారతీయులు (NRIs), భారతీయ సంతతి ప్రజలు (PIOs) కలిసి ఉమ్మడి లక్ష్యాలను సాధించడం, ప్రవాస మహిళల పాత్ర, అకడమిక్ కౌన్సిల్ రౌండ్టేబుల్, యువ సాధకులు, సీనియర్ సిటిజన్ల సంరక్షణ వంటి అంశాలపై సమావేశాలు ఉంటాయి.
GOPIO అవార్డులు – నామినేషన్ల ఆహ్వానం..
డిసెంబర్ 19న జరిగే ప్రత్యేక అవార్డుల ప్రదానోత్సవంలో సైన్స్, టెక్నాలజీ, మెడిసిన్, వ్యాపారం, విద్య, కళలు, సాహిత్యం , ప్రజా సేవ వంటి రంగాల్లో విశేష ప్రతిభ కనబరిచి తమకంటూ ప్రత్యేక గుర్తింపు తెచ్చుకున్న ప్రవాస భారతీయులను సత్కరిస్తారు.
నామినేషన్ల సమర్పణకు చివరి తేదీ: అక్టోబర్ 10, 2026.
ఆసక్తి గలవారు తమ నామినేషన్లను [email protected] మెయిల్ ఐడీకి పంపవలసిందిగా కోరారు.
సదస్సుకు సంబంధించిన పూర్తి వివరాలు, రిజిస్ట్రేషన్, స్పాన్సర్షిప్ సమాచారం కోసం అధికారిక లింక్ను సంప్రదించవచ్చు.
