సుబ్రహ్మణ్యం, మిల్లర్ తిరిగి ఎన్నిక.. రామస్వామికి ఓటమి

అమెరికా మధ్యంతర ఎన్నికల ఫలితాలు వెలువడుతున్నాయి. ఇప్పటి వరకైతే డెమోక్రాట్ల హవాయే కొనసాగుతోంది. ఇదిలా వుండగా.. భారత సంతతి నేతలు ఈ ఎన్నికల్లో సత్తా చాటుతున్నారు. ఇప్పటికే పలు చోట్ల ఖాతాలు కూడా తెరవడంతో సంచలనం నమోదవుతోంది.

సుహాస్ సుబ్రహ్మణం, అరుణా మిల్లర్ తిరిగి ఎన్నికయ్యారు. ఫ్లోరిడా 22వ కాంగ్రెషనల్ డిస్ట్రిక్ట్‌లో పియా దండియా విజయం సాధించారు. 40 ఏళ్ల సుబ్రహ్మణ్యం వర్జీనియా నుండి అమెరికా ప్రతినిధుల సభకు తిరిగి ఎన్నికయ్యారు. అదే సమయంలో, 61 ఏళ్ల మిల్లర్ మేరీల్యాండ్ లెఫ్టినెంట్ గవర్నర్‌గా తన పదవిని నిలబెట్టుకున్నారు. ఫ్లోరిడాలోని 22వ కాంగ్రెషనల్ డిస్ట్రిక్ట్‌లో 39 ఏళ్ల దండియా విజయం సాధించారు.

ఇదే సమయంలో, అమెరికా అధ్యక్షుడు డోనాల్డ్ ట్రంప్ మద్దతు పొందిన రిపబ్లికన్ వివేక్ రామస్వామి, ఒహియో గవర్నర్ ఎన్నికల్లో డెమోక్రాట్ అమీ ఆక్టన్ చేతిలో ఓడిపోయారు. 41 ఏళ్ల రామస్వామి, 60 ఏళ్ల ఆక్టన్‌ చేతిలో ఓడిపోయారు. ఆక్టన్‌ ఈ రాష్ట్రానికి గవర్నర్‌గా ఎన్నికైన మొదటి మహిళగా నిలిచారు.

ఇతర భారతీయ-అమెరికన్ అభ్యర్థులు పోటీ చేసిన స్థానాల్లో ఓట్ల లెక్కింపు ఇంకా కొనసాగుతుండటంతో, వారు ఫలితాల కోసం వేచి చూస్తున్నారు.డెమోక్రటిక్ చట్టసభ్యులైన రో ఖన్నా, అమీ బేరా మరియు ప్రమీలా జయపాల్ యూఎస్ ప్రతినిధుల సభకు తిరిగి ఎన్నిక కావడానికి ప్రయత్నిస్తుండగా, తోటి డెమోక్రటిక్ నాయకుడైన అమీష్ షా కాంగ్రెస్ సభ్యుడిగా అరంగేట్రం చేసే ప్రయత్నంలో గట్టి పోటీ ఉన్న రేసులలో బరిలోకి దిగుతున్నారు. రో ఖన్నా, రితేశ్ టాండన్, ప్రమీలా జయపాల్, నీరవ్ షేథ్, అమీబెరా, పూజా సేథి, సందీప్ శ్రీవాస్తవ తదితరుల గెలుపోటముల వివరాలు ఇంకా రావాల్సి వుంది.