బాల‌య్య సినిమాలో ఆ సీనియ‌ర్ హీరోయిన్ క్యామియో?

నందమూరి బాలకృష్ణ(nandamuri balakrishna), కొరటాల శివ(koratala siva) కాంబినేషన్‌లో తెరకెక్కనున్న సినిమాపై ఇప్పటికే భారీ అంచనాలు నెలకొన్నాయి. ప్రాజెక్ట్‌కు సంబంధించిన అఫీషియ‌ల్ డీటెయిల్స్ ఇంకా పరిమితంగానే ఉన్నప్పటికీ, ఎప్పటికప్పుడు కొత్త రూమర్లు మాత్రం ఆసక్తిని పెంచుతున్నాయి. తాజాగా సీనియర్ నటి విజయశాంతి(Vijayasanthi) ఈ సినిమాలో భాగం కానున్నారనే ప్రచారం టాలీవుడ్‌లో వినిపిస్తోంది. ముఖ్యంగా ఫ్లాష్‌బ్యాక్ ఎపిసోడ్‌లో ఆమె పోలీస్ ఆఫీస‌ర్‌గా కనిపించనున్నారనే టాక్ ఇప్పుడు చర్చనీయాంశంగా మారింది. అయితే ఈ విషయంపై అఫీషియ‌ల్ క్లారిటీ రావాల్సి ఉంది.

విజయశాంతి క్యారెక్ట‌ర్ నిజంగానే సినిమాలో ఉంటే మాత్రం అది కేవలం గెస్ట్ రోల్‌కే పరిమితం కాకపోవచ్చనే ఆసక్తి మొదలైంది. ఆమె పాత్ర కథకు కీలకమైన మలుపును అందించే స్థాయిలో ఉంటుందా? బాలయ్య పాత్ర గతంతో ఆమె క్యారెక్టర్‌కు ఏదైనా స్ట్రాంగ్ బాండింగ్ ఉంటుందా? అనే ప్రశ్నలు ఇప్పుడు వినిపిస్తున్నాయి. ముఖ్యంగా ఫ్లాష్‌బ్యాక్ నేపథ్యం ఉంటుందనే ప్రచారం ఈ అనుమానాలకు మరింత బలాన్ని చేకూరుస్తోంది. దీంతో విజయశాంతి క్యారెక్ట‌ర్ చుట్టూ కూడా కొరటాల ఏదైనా ప్రత్యేకమైన కథను అల్లారా అనే ఆసక్తి పెరుగుతోంది.

మరోవైపు బాలయ్య- విజయశాంతి కాంబినేషన్‌కు తెలుగు ఆడియ‌న్స్ లో ఉన్న ప్రత్యేకమైన క్రేజ్‌ను కొరటాల శివ తనదైన శైలిలో ఉపయోగించుకుంటే అది సినిమాకు ఎక్స్‌ట్రా స్ట్రెంగ్త్ గా మారే అవకాశం ఉంది. గతంలోని ఆ కాంబినేషన్‌ను గుర్తు చేసే నోస్టాల్జియా ఒకవైపు ఉంటే, ఇప్పటి కథ, క్యారెక్ట‌ర్లు, ట్రీట్‌మెంట్‌తో కొత్త అనుభూతిని ఇవ్వడం మరోవైపు ఉంటుంది. అదే జరిగితే పాత కాంబినేషన్‌కు కొత్త అర్థం ఇచ్చినట్లవుతుంది. అయితే ప్రస్తుతం ఇవన్నీ ప్రచారంలో ఉన్న విషయాలే. అసలు విజయశాంతి ఈ సినిమాలో ఉన్నారా, ఉంటే ఆమె పాత్ర ఎంత కీలకమో తెలియాలంటే అఫీషియల్ అనౌన్స్‌మెంట్ వచ్చే వరకు వేచి చూడాల్సిందే.