పెంటగాన్ వద్దన్నా .. బైడెన్ కీలక నిర్ణయం

ఉక్రెయిన్‌లో రష్యా యుద్ధ నేరాలపై సాక్ష్యాధారాలను అంతర్జాతీయ క్రిమినల్‌ కోర్టుకు (ఐసీసీ) ఇవ్వాలని అమెరికా అధ్యక్షుడు జో బైడెన్‌ సంబంధిత అధికారులను ఆదేశించారు. ఈ నిర్ణయాన్ని అగ్రరాజ్య రక్షణ కార్యాలయం పెంటగాన్‌ వ్యతిరేకించినా ఆయన ఈ ఆదేశాలు జారీ చేసినట్లు తెలిసింది. ఉక్రెయిన్‌లో రష్యా సాగిస్తున్న  యుద్ధ నేరాలపై చర్యలు తీసుకునే విషయంలో అమెరికా ప్రభుత్వంపై కొంతకాలంగా విమర్శలు వ్యక్తమవుతున్నాయి. రష్యా ఆగడాలను పెంటగాన్‌ పట్టించుకోవట్లేదని రిపబ్లికన్లతో పాటు డెమోక్రాట్లు ఆరోపిస్తున్నారు. దీనిపై సెనెటర్‌లో గత వారం పెద్ద ఎత్తున చర్చ జరిగింది. రష్యా నేరాలపై అమెరికా సేకరించిన సాక్ష్యాలను అంతర్జాతీయ కోర్టుతో పంచుకోవాలని నేతలు డిమాండు చేశారు. ఆ షరతు మీదే గతవారం సెనెట్‌లో ఓ బిల్లును ఆమోదించినట్లు తెలిసింది.