Yuganiki Okkadu: క్రేజీ సీక్వెల్ పై డైరెక్టర్ సంచలన కామెంట్స్
- Published By: Sravani
- February 14, 2026 / 10:30 AM IST
సినీ ఇండస్ట్రీలో కొన్ని సినిమాలు రిలీజ్ సమయంలో పెద్దగా గుర్తింపు పొందకపోయినా, కాలక్రమేణా కల్ట్ స్టేటస్ సంపాదించుకుంటాయి. అలాంటి చిత్రాల్లో యుగానికి ఒక్కడు(Yuganiki Okkadu) ఒకటి. కార్తీ(Karthi) హీరోగా, సెల్వ రాఘవన్(Selva Raghavan) దర్శకత్వంలో తెరకెక్కిన ఈ చిత్రం రిలీజ్ టైమ్ లో ఓ మోస్తరు రెస్పాన్స్ ను అందుకున్నప్పటికీ, తర్వాత విపరీతమైన అభిమానాన్ని దక్కించుకుని ప్రత్యేక స్థానం సంపాదించుకుంది.
ఈ చిత్రానికి సీక్వెల్ వస్తుందనే వార్తలు చాలా కాలంగా వినిపిస్తున్నాయి. అయితే ఆ సీక్వెల్ను కార్తీతో కాకుండా ఆయన సోదరుడు ధనుష్(Dhanush) హీరోగా సెల్వ రాఘవన్ ప్రకటించడం అప్పట్లో చర్చనీయాంశమైంది. దర్శకుడు-హీరో అన్నదమ్ములు కావడంతో ఈ సినిమా త్వరగా ప్రారంభమవుతుందని భావించినప్పటికీ, ఆ ప్రాజెక్టు పట్టాలెక్కలేదు.
దీంతో ఈ సీక్వెల్ భవితవ్యంపై అనుమానాలు నెలకొన్నాయి. రీసెంట్ గా ఈ విషయంపై స్పందించిన సెల్వ రాఘవన్, కథ రెడీగా ఉన్నప్పటికీ సీక్వెల్ చేయాలంటే డైరెక్టర్ మాత్రమే కాదు, మిగతా వారు కూడా రెడీగా ఉండాలని వ్యాఖ్యానించారు. ఆయన మాటల ప్రకారం చూస్తే ఈ ప్రాజెక్టు విషయంలో కార్తీ నుంచి పూర్తి స్థాయి ఆసక్తి లేదనే భావన వ్యక్తమవుతోంది. మరి ఈ సీక్వెల్ కేవలం వార్తగానే మిగిలిపోతుందేమో చూడాలి.
