బే ఏరియాలో ఘనంగా భారత స్వాతంత్య్ర వేడుకలు.. ఉత్సాహంగా ఇండియన్ డే పరేడ్
- Published By: Vishal
- August 18, 2026 / 10:13 AM IST
అసోసియేషన్ ఆఫ్ ఇండో అమెరికన్స్ (AIA) ఆధ్వర్యంలో అమెరికాలోని బే ఏరియాలో నిర్వహించిన ప్రతిష్టాత్మక ఇండియా ఇండిపెండెన్స్ డే పరేడ్లో ఉత్తర అమెరికా తెలుగు సంఘం (తానా) అత్యంత ఉత్సాహంగా పాల్గొంది. ప్రవాస భారతీయుల సమక్షంలో జరిగిన ఈ వేడుకల్లో తానా నాయకులు, కార్యకర్తలు పెద్ద సంఖ్యలో హాజరై సందడి చేశారు.
ఈ వేడుకల్లో తానా తరఫున ప్రముఖులు శ్రీకాంత్ దొడ్డపనేని, వెంకట్ అడుసుమల్లి, రామ్ తోట తదితరులు ప్రత్యేకంగా పాల్గొని సందడి చేశారు. ఈ పరేడ్ సందర్భంగా తానా తన సువర్ణోత్సవ (50th Anniversary) ఘనతను, అలాగే ప్రవాసాంధ్ర పిల్లలకు తెలుగు భాషను నేర్పుతున్న ‘తానా పాఠశాల’ (Paatasala) విశిష్టతను ప్రతిబింబించేలా ప్రత్యేక శకటాలు , ప్రదర్శనలను ఏర్పాటు చేసింది. అందరినీ ఆకట్టుకునేలా సాగిన ఈ ప్రదర్శనలు అమెరికాలో తెలుగు సంస్కృతిని, తానా సేవా కార్యక్రమాలను ఘనంగా చాటిచెప్పాయి.
#Tags
