దుగరాజపట్నంలో గ్రీన్ఫీల్డ్ షిప్యార్డ్ … ఏపీ ప్రభుత్వం కీలక ఒప్పందం
- Published By: Saidulu
- September 19, 2026 / 10:55 AM IST
ఆంధ్రప్రదేశ్లో షిప్బిల్డింగ్ రంగానికి భారీ ప్రోత్సాహం లభించనుంది. దుగరాజపట్నంలో గ్రీన్ఫీల్డ్ షిప్యార్డ్ (Greenfield Shipyard) ఏర్పాటు చేసేందుకు మజగావ్ డాక్ షిప్బిల్డర్స్ లిమిటెడ్ (ఎండిఎల్)తో ఆంధ్రప్రదేశ్ ప్రభుత్వం ఒప్పందం కుదుర్చుకుంది. ముఖ్యమంత్రి చంద్రబాబు (Chandrababu) సమక్షంలో సచివాలయంలో ఎండిఎల్ ( MDL), నేషనల్ షిప్బిల్డింగ్ అండ్ హెవీ ఇండస్ట్రీస్ పార్క్-ఏపీ మధ్య అవగాహన ఒప్పందం జరిగింది.
ప్రాజెక్టు కింద వచ్చే ఐదేళ్లలో ఎండిఎల్ సుమారు రూ.15 వేల కోట్లు పెట్టుబడి పెట్టేలా ప్రణాళిక రూపొందించారు. ఈ భారీ పెట్టుబడితో దుగరాజపట్నం ప్రాంతంలో షిప్బిల్డింగ్ కార్యకలాపాలు ఊపందుకునే అవకాశం ఉంది. ఈ ప్రాజెక్టు ద్వారా ప్రత్యక్షంగా, పరోక్షంగా కలిపి సుమారు 45 వేల మందికి ఉపాధి అవకాశాలు లభించనున్నట్లు అంచనా. షిప్యార్డ్ చుట్టూ మెరైన్ ఇంజినీరింగ్, లాజిస్టిక్స్, సర్వీసులు, ఇతర అనుబంధ పరిశ్రమలు కూడా అభివృద్ధి చెందే అవకాశం ఉంది. ఈ కార్యక్రమంలో మంత్రి బీసీ జనార్దనరెడ్డి (BC Janardhan Reddy), ఏపీ మారిటైమ్ బోర్డు చైర్మన్ దామచర్ల సత్య ( Damacharla Satya), ఎండీఎల్ సీఎండీ కెప్టెన్ జగ్మోహన్, విశాఖ పోర్ట్ అథారిటీ చైర్పర్సన్ జస్మీత్సింగ్ బింద్రా, ఇతర ఉన్నతాధికారులు పాల్గొన్నారు.
