కూతురు కోసం 320 కోట్లతో థీమ్‌ పార్క్‌

పుట్టుకతోనే అంగవైకల్యంతో బాధ పడుతున్న తన కూతురి కోసం రూ.320 కోట్లు ఖర్చు పెట్టి  ప్రత్యేకంగా థీమ్‌ పార్క్‌ నిర్మించాడు ఆమె తండ్రి. అమెరికాలోని టెక్సాస్‌కు చెందిన జోర్డాన్‌కు తన కూతురు మోర్గాన్‌ అంటే చాలా ఇష్టం. తన అంగవైకల్యం కారణంగా ఇతర పిల్లలు ఎవరూ మోర్గాన్‌తో కలిసేందుకు ఇష్టపడకపోయేవారు. ఇది చూసి జోర్డాన్‌ కూతురి కోసం ప్రత్యేకంగా 25 ఎకరాల్లో థీమ్‌ పార్కు కట్టించాడు. రియల్‌ ఎస్టేట్‌ వ్యాపారి అయిన జోర్డాన్‌ తన ఆస్తి మొత్తం కూడబెట్టి ఈ పార్కు కట్టించాడు. ఇప్పుడు ఈ పార్కుకు 65 దేశాల నుంచి పర్యాటకులు వస్తున్నారు. అలాగే మోర్గాన్‌తో పాటు కలిసి ఆడుకోవడానికి చాలా మంది పిల్లలు ఇక్కడికి వస్తుండడం చూసి జోర్డాన్‌ తెగ మురిసిపోతున్నాడు. అంతే కాదు, ఇక్కడ పని చేస్తున్న సిబ్బంది కూడా ప్రత్యేక అవసరాలు గల వాళ్లే. ఇలాంటి థీమ్‌ పార్క్‌ తమ ప్రాంతంలో కూడా నిర్మించాలని జోర్డాన్‌ను పర్యాటకులు అడిగినపుడు, ఈ పార్కు కేవలం తన కూతురు కోసమే నిర్మించానని, మరో చోట ఇలాంటివి నిర్మించనని జోర్డాన్‌ సమాధానమిచ్చారు.