చెన్నైలోనే సూర్య.. ముంబై ప్రయాణాలపై క్లారిటీ ఇచ్చిన స్టార్ హీరో!

కోలీవుడ్ స్టార్ హీరో సూర్య(Suriya), నటి జ్యోతిక(Jyothika) కొంతకాలంగా ముంబైలో ఎక్కువ సమయం గడుపుతుండటం ఫ్యాన్స్ లో ఆసక్తిని పెంచుతోంది. ముఖ్యంగా జ్యోతిక ముంబైలో ఉండటం, అక్కడే ఫ్యామిలీకి సంబంధించిన కార్యకలాపాలు కొనసాగుతుండటంతో సూర్య కూడా చెన్నైని పూర్తిగా విడిచిపెట్టి ముంబైకి షిఫ్ట్ అయ్యారనే ప్రచారం మొదలైంది. అయితే తన నివాసం విషయంలో వస్తున్న ఈ ఊహాగానాలకు సూర్య తాజాగా క్లారిటీ ఇచ్చినట్లు తెలుస్తోంది. తాను ఇప్పటికీ చెన్నైలోనే ఉంటున్నానని ఆయన వెల్లడించారు.

తాజా ఇంటరాక్షన్‌లో తనపై జరుగుతున్న ప్రచారంపై రియాక్ట్ అయిన సూర్య.. తాను చెన్నైలోనే జీవిస్తున్నానని, పని మరియు ఇతర అవసరాల కారణంగా ముంబైకి తరచూ ప్రయాణిస్తున్నానని తెలిపారు. దీంతో సూర్య(Suriya) శాశ్వతంగా ముంబైకి మకాం మార్చారనే వార్తలకు బ్రేక్ పడినట్టయింది. అయితే ముంబై ఆయన లైఫ్ లో ప్రాధాన్యత లేని నగరం అని మాత్రం చెప్పలేం. అక్కడ ఫ్యామిలీతో కలిసి గడిపేందుకు వీలుగా సూర్యకు ప్రత్యేకమైన స్పేస్ ఉండటం, తరచూ అక్కడికి వెళ్లడం కొనసాగుతుండటంతో రెండు నగరాలతోనూ ఆయనకు స్ట్రాంగ్ కనెక్ష‌న్ ఏర్పడింది.

ఒకవైపు చెన్నై ఆయన ప్రధాన నివాసంగా కొనసాగుతుండగా.. మరోవైపు ముంబై ఫ్యామిలీ టైమ్‌కు, వ్యక్తిగత అవసరాలకు కీలకమైన నగరంగా మారినట్లు కనిపిస్తోంది. ముఖ్యంగా జ్యోతికకు ముంబైతో ఉన్న అనుబంధం, అక్కడి జీవనశైలి కారణంగా ఫ్యామిలీ రెండు నగరాల మధ్య టైమ్ ను పంచుకుంటున్నట్లు తెలుస్తోంది. అందుకే సూర్య ముంబైకి వెళ్లడం అనేది పూర్తిగా బేస్ మార్చేశారనే అర్థం కాదని అత‌ని తాజా కామెంట్స్ స్పష్టం చేస్తున్నాయి. ప్రస్తుతం చెన్నైలోనే తన జీవితం కొనసాగిస్తూ.. అవసరాన్ని బట్టి ముంబైకి ప్రయాణించే విధానాన్నే సూర్య కొనసాగిస్తున్నారని చెప్పొచ్చు.