ఆ టాలెంటెడ్ హీరో కోసం నాగ‌వంశీ ప్ర‌య‌త్నాలు

లెనిన్(lenin) మూవీతో డైరెక్ట‌ర్ గా మంచి గుర్తింపు తెచ్చుకున్న మురళి కిషోర్ అబ్బూరు(murali kishore abburu) తన నెక్ట్స్ సినిమాపై వేగంగా పని చేస్తున్నట్లు ఇండస్ట్రీ వర్గాల్లో చర్చ సాగుతోంది. ఈ సినిమాను కూడా సితార ఎంటర్‌టైన్‌మెంట్స్(Sithara Entertainments) నిర్మించే అవకాశాలు ఉన్నాయని సమాచారం. లెనిన్ రిలీజ్ కు ముందే డైరెక్ట‌ర్ వినిపించిన మరో కథను సంస్థ పాజిటివ్‌గా తీసుకున్నట్లు తెలుస్తుండగా, ప్రస్తుతం ఆ స్క్రిప్ట్‌కు తుది మెరుగులు పూర్తయ్యాయని టాక్ వినిపిస్తోంది. మొద‌టి సినిమాలో గ్రామీణ వాతావరణాన్ని ఆకట్టుకునేలా చూపించిన మురళి, ఈసారి కూడా అదే తరహా నేపథ్యాన్ని మరింత స్ట్రాంగ్ ఎమోష‌న్స్ తో తెరకెక్కించాలని ప్లాన్ చేస్తున్నారట.

ఈ కొత్త కథలో హీరో పాత్ర‌కు ధనుష్(Dhanush) సరైన ఎంపిక అవుతారని డైరెక్ట‌ర్ భావిస్తున్నట్లు సినీ వర్గాలు చెబుతున్నాయి. నేచుర‌ల్ యాక్టింగ్ తో పాటు గ్రామీణ కథల్లో ప్రేక్షకులను ఆకట్టుకునే ప్రత్యేకమైన ఇమేజ్ ధనుష్‌కు ఉండటంతో, ఈ పాత్రకు ఆయన అయితే మరింత న్యాయం చేయగలరనే అభిప్రాయం వ్యక్తమవుతోంది. కథ స్వభావం, పాత్రలోని ఎమోషనల్ డెప్త్‌ను దృష్టిలో పెట్టుకుని ఆయన పేరును పరిశీలిస్తున్నట్లు సమాచారం.

అయితే ప్రస్తుతం ఈ ప్రాజెక్ట్ ప్రారంభ దశలోనే ఉండటంతో హీరో ఎంపికపై నాగ‌వంశీ(Nagavamsi) ఇంకా అధికారిక నిర్ణయం తీసుకోలేదు. ధనుష్‌తో డిస్క‌ష‌న్స్ ముందుకు సాగితే ఈ సినిమా సితార ఎంటర్‌టైన్‌మెంట్స్‌కు మరో ప్రతిష్ఠాత్మక ప్రాజెక్ట్‌గా మారే అవకాశముంది. లెనిన్ స‌క్సెస్ తో డైరెక్ట‌ర్ పై ఏర్పడిన అంచనాల నేపథ్యంలో ఆయన నుంచి వచ్చే నెక్ట్స్ అనౌన్స్‌మెంట్ పై ఇండస్ట్రీతో పాటు ప్రేక్షకుల్లో కూడా ఆసక్తి నెలకొంది.