చిరంజీవి ప్రశంసలతో లెనిన్ కు మరింత ఊపు

అక్కినేని అఖిల్(Akkineni Akhil) నటించిన తాజా సినిమా లెనిన్(Lenin) స‌క్సెస్‌ఫుల్ గా థియేటర్లలో ర‌న్ అవుతూ మంచి రెస్పాన్స్ ను అందుకుంటోంది. రిలీజ్ తర్వాత ప్రేక్షకుల నుంచి పాజిటివ్ టాక్ రావడంతో పాటు రోజురోజుకూ బాక్సాఫీస్ వద్ద సినిమా జోరు పెరుగుతున్నట్లు ట్రేడ్ వర్గాలు చెబుతున్నాయి. ముఖ్యంగా అఖిల్ యాక్టింగ్ ఈ సినిమాకు ప్రధాన ఆకర్షణగా నిలిచిందనే అభిప్రాయం వ్యక్తమవుతోంది. ఈ స‌క్సెస్‌తో అక్కినేని అభిమానుల్లో కొత్త ఉత్సాహం నెలకొనగా, సినీ ప్రముఖుల నుంచి కూడా చిత్ర బృందానికి అభినందనలు వెల్లువెత్తుతున్నాయి.

ఈ నేపథ్యంలో మెగాస్టార్ చిరంజీవి(chiranjeevi) సోషల్ మీడియా ద్వారా చేసిన ప్రత్యేక అభినందనల పోస్ట్ చర్చనీయాంశంగా మారింది. లెనిన్ గురించి ఆడియ‌న్స్ నుంచి చాలా గొప్ప‌గా వింటున్నానని, ముఖ్యంగా అఖిల్ యాక్టింగ్‌కు వస్తున్న ప్రశంసలు తనకెంతో ఆనందాన్ని కలిగించాయని ఆయన పేర్కొన్నారు. అఖిల్‌ను తన మ‌రో కొడుకులా చూస్తాన‌ని, ప్రతి సినిమాతో అతను నటుడిగా మరింత ఎదుగుతున్న తీరు సంతోషాన్ని ఇస్తోందని చిరంజీవి తెలిపారు. త్వరలోనే సినిమా చూసేందుకు ఆసక్తిగా ఎదురుచూస్తున్నానని, చిత్ర యూనిట్‌కు శుభాకాంక్షలు తెలియజేస్తూ నాగార్జునతో పాటు మొత్తం బృందాన్ని అభినందించారు.

చిరంజీవి పోస్ట్‌కు నాగార్జున(Nagarjuna) కూడా హృదయపూర్వకంగా స్పందించారు. తమ కుటుంబంపై ఎప్పటినుంచో చూపుతున్న అభిమానానికి కృతజ్ఞతలు తెలుపుతూ, లెనిన్ సినిమా చూసిన తర్వాత మీకు ఇంకా ఎక్కువగా నచ్చుతుందని విశ్వాసం వ్యక్తం చేశారు. ఇద్దరు సీనియర్ నటుల మధ్య జరిగిన ఈ స్నేహపూర్వక సంభాషణ సోషల్ మీడియాలో వైరల్‌గా మారగా, మెగా మరియు అక్కినేని అభిమానులు కూడా దీనిని ఆనందంగా స్వాగతిస్తున్నారు. సినిమా స‌క్సెస్‌కు ఇలాంటి ప్రముఖుల ప్రోత్సాహం మరింత బలాన్నిస్తోందనే అభిప్రాయం ఇండస్ట్రీ వర్గాల్లో వ్యక్తమవుతోంది.